CroALa & LatTy: nodus

Nodus 1106436 in documento marul-mar-repert.xml

METHAMORPHOSES Iudex. Tyresias de contentione Iouis et Iunonis pro Ioue tulit sententiam. A Iunone luminibus orbatur, a Ioue diuinandi munus accipit III . Mydę asininę aures addite, quia Thmolo pro Apolline contra Pana iudicante ipsi displicuit XI. Inuidia et odium sęculo ferreo I. Aglaura inuidię succumbens sororum successibus cruciatur; in saxum cęssit II. Pugna inter fratres e dentibus draconis cum armis natos. Quinque tantum superfuerunt qui Cadmi socii fuere III . Polydectes inuidens glorię Persei uictoris in saxum mutatur. Lyncus Triptolemo inuidens honorem a Cerere delatum, dum eum occidere cogitat, in lincem uersus perfìcere non potuit V. Dedalus Perdicem discipulum, quia primus serram et circinum inuenit, e muro pręcipitauit VIII. Athalantę, quia prima aprum uulnerauit, Meleager a se occisi concessit exuuias. Meleagri auunculi inuidentes eripuerunt. Quos a Meleagro cęsos Althea mater fratrum mortem uindicauit, stipite filii fatali ignibus consumpto VIII. Apollo sagittam Paridis dirigens in Achillem: sunt qui alterum ad iniuriam aliorum incitant XII. Ira. Agaue mater, Ino et Autonoe sorores in Pentheum furentes III . Tauri ignem spirantes et draco in Colcho VII. Aper Calidonius, quem Diana irata immisit. Ira Cereris in Eristonem et eius filiam Mestram VIII. Ira Herculis in Lycam seruum IX. Aiax furens sibi ipsi mortem consciuit. Hecuba Polinestoris nares mordicus abscidit et in canem mutata est XIII. Imprudens. Glaucus herbę uim, quę piscibus mortuis spiritum restituerat, miratus gustauit et in furorem uersus pręcipitem se in pelagus dedit XIII. Deianira, Lycas IX. Inconstantia. Protheus in diuersas figuras mutabilis. Item Mestra, Eristonis filia VIII. Achelous amnis IX. Periclimenes, XII. Vertumnus XIIII. Ignis. Incendium Phoetonte currum Solis regente II. Domus cum Semele arsit Ioue ad eam ingresso tonitribus et fulminibus instructo III . Stipes Meleagri fatalis, quo consumpto et ipse defecit VIII. Pyra qua arsit Hercules VIIII. Iniustus Hercules famulum Lycam innocentem in Euboico mari iactauit et mersit IX. Impatientia. Aracne uicta suspendio se affecit VI. Aiax, quod armis Achillis potiri non potuit, in furorem uersus suas sibi intulit manus $0 Inobediens. Icarus patri Dedalo lapsus in pelagus mari nomen dedit VIII. Adon non obediens Veneri, in uenatione ab apro interemptus est X.