CroALa, 2024-04-29+02:00. Nodus 110540 in collectione croala.
Functio nominatur: /node/croala/110540.
143. Ad Quintum in recte factis gloriantem.Egregium si quid patrasti, Quinte, supremum Scit numen, caecis haud latet in tenebris. Nil opus est, narres tua mi benefacta: rependam Quid tibi ego, laudis ni leve praemiolum? Hoccine mutari tam parvo, tamque pusillo Praemia vis, superum quae parat ille pater? Quae tibi (ne propera fluxa haec praecerpere) large Solventur laetis maxima in Elysiis.