CroALa, 2024-04-29+02:00. Nodus 109471 in collectione croala.
Functio nominatur: /node/croala/109471.
115. Ad Postumum ineptum hominem Corvini ineptias nequaquam ferentem.Corvinus gravis est tibi, Postume, tu gravis illi, Ille gravem sed te fert tamen assidue. Redde vicem, carumque itidem tu ferto sodalem. Alternis vitae hoc vivitur officiis. Da veniam, nactus veniam; facilique, bonoque Fac, quamquam gravis est, sis bonus et facilis. Nemo est, quem possint minus omnes ferre, molestum Quam si quis nullum, Postume, ferre potest.