CroALa & LatTy: nodus

Nodus 1093552 in documento marul-mar-repert.xml

VALERIVS MAXIMVS Fortunę mutatio, liber VI, caput VIII. Felix. De felicitate, liber VII, cap. I. Solon neminem beatum dici debere arbitrabatur, dum adhuc uiueret, caput II. Anaxagoras interroganti, quisnam esset beatus, "nemo", inquit, "ex his, quos tu felices existimas" etc., eodem. Fides. De fide publica, liber VI, caput VI. Fides uxorum erga uiros, caput VII, seruorum erga dominos, caput VIII. Fortitudo, liber III, caput II. Milo Crotoniates uirium confidentia perisse traditur. Item Polidamus athleta. Documento sunt, nimio robore membrorum uigorem mentis hebescere, liber IX caput XII. Quando athletarum certamen, liber II, caput I. Furti damnatus qui equo alieno ultra pręscriptum uectus est, liber VIII, caput II. Filii. Parentum amor in liberos, liber V, caput VII. Parentum seueritas in liberos, caput VIII. Parentum moderatio in suspectos liberos, caput IX. Filię Afronię reuerentia in matrem Ebuciam, quę contra testamentum eius, quo pręterita erat, agere erubuit, liber VII, caput VIII. Quę matrem interemerat, mansit indemnata, quod constaret filiorum necem ab illa ueneno sublatorum ultam. Alia uirum et filium impune peremit, quod hi prius filium eius prioris mariti peremerant, liber VIII, caput I. Fames. Octacilius Siciliam et Sardiniam hosti dimisit fame compulsus. Casilinates insolitis cibis, dum obsiderentur usi, fidem seruarunt. Ex Prenestinis quidam murem captum ducentis denariis uendidit, ipse inedia periit, emptor seruatus est. In Bosphorano tractu sex milibus denariis singula uasa olei frumentique modii totidem mancipiis permutati. Cretenses sua iumentorumque urina sitim extinxerunt. Numantini humanorum corporum dapibus usi. Calaguritani ne uxoribus quidem ac liberis pepercerunt, liber VII, caput VI.