CroALa, 2024-04-29+02:00. Nodus 1069213 in collectione croala.
Functio nominatur: /node/croala/1069213.
LAERTIVSDerisio.
- Diogenes dicenti cuidam: "Complures te irrident" --- "et illos", inquit, "forte asini". "Sed non illi asinos curant", subdidit ille; "neque ego illos", respondit 58.
Deformis.
- Arcesilaus Emone quodam Chio, cum deformis esset et luxuriose indueretur, interrogante, utrum illi sapiens amaturus uideretur, ait: Non, si ita pulcher fuerit ut tu, neque si ita speciose uestitus incesserit ut tu 42.
- Zeno corporis habitu deformis 63.
Diuitię.
- Sacietatem ex diuitiis nasci, dixit Solon, et ex satietate contumelias gigni 8.
- Chilo lapideis cotibus aurum exeminari dixit et dare apertum sui documentum, auro autem bonorum malorumque hominum mentem, cuiusmodi sit, comprobari 10.
- Pitacus pecunias a Croeso missas accipere noluit, duplo plura quam uellet se habere contestans 10.
- Croeso scripsit ad eum se uenturum non cupiditate habendi, sed humano uiro familiariter utendi 11.
- Indignum hominem diuitiarum gratia laudare noli 12.
- Pherecydes: Neque aurum neque argentum honorandum 15.
- Anaxagoras patrimonium suis sponte cęssit et se ad speculandum contulit 16.
- Gestabat Aristippi famulus in itinere pecuniam, et cum premeretur onere, ille "effunde", ait, "quod nimis est et fere ea quę pręuales." Nauigans pecuniam proiecit in mare, ne propter illam a uectoribus perimeretur 23.
- Stilpo, cum ea, quę capta patria amiserat, conscribere iuberetur restituendi gratia, nihil suum se perdidisse respondit; quippe doctrinam et eruditionem sibi ademisse neminem 26.
- Diuitias neruos rerum esse 43.
- Demetrius non modo diuitias cęcas asserebat, uerum et illarum autorem fortunam 52.
- Diogenes diuitem indoctum ouem aureo uellere dicebat 57,
- Crates deposuit pecuniam apud trapezitam, mandans, ut, si filii idiotę essent, eis redderet, sin philosophi, plebi distribueret; nihilo quippe egere philosophos 61.
- Metrocles diuitias nocere dixit, nisi quis eis digne utatur 62.
- Euripidis de Napeo uersus, quod opes quidem illi fuerint, sed opibus elatus non incesserit neque plus fastus habuerit quam egens uir 65.
- Chrysippus quęrit, quo pacto sapienti quęstus sectandus sit et cuius rei gratia 79.
- Porro, inanium opinionum diuitię in infinitum excidunt 110.
Dolor.
- Solon flens obitum filii, cum sibi diceretur, quod nihil flendo proficeret, ob hoc enim se flere dixit, quia nihil proficeret 9.
- De dolore et uoluptate 24.
- Neque dolore capiendum sapientem, quod is ęgritudo sit animi ratione aduersante contractio 72.
- Doloris species 72.
- Dionysius in oculorum dolorem incidit; quo acriter cruciatus noluit dicere indifferentem esse 77.
- Cor non edendum 82.
- Epicurus contra Cyrenaicos animi dolores quam corporis deteriores censet; carnem enim pręsenti tantummodo dolore affici, animum uero et pręterito et pręsenti et futuro 110.
Degener.
- Arcessilaus percunctanti, cur ex disciplinis aliis plerique ad sectam Epicuream transirent, ex Epicureis uero nullus se ad cęteras conferret, ait: "Quia ex uiris quidem galli fiunt, ex gallis uiri nunquam" 42.
Deus.
- Dii geniti secundum Eudemum Rhodium 3.
- Nec cogitationes latent deos 6.
- Pherecides primus de diis scripsit Gręcis 15.
- Theodorus omnes de diis opiniones sustulit 25.
- De diis philosophorum facete dicta 27.
- Plato: totius
generationis causam esse deum. Deos esse igneos 35.- Deum sicut et materiam incorporalem esse 36.
- Aristoteles, sicut et Plato, deum incorporalem diffinit eiusque prouidentiam ad cęlestia usque pertingere, ipsum uero immobilem esse 48.
- Lysia pharmacopola sciscitante, an deos esse crederet: "Quomodo", inquit, "non credo, qui te diis inimicum puto" 57.
- Zeno per caparim, Socrates per canem deierabant 66.
- Stoici unum deum esse eumque appellari mentem, fatum, Iouem 74.
- Deum esse animal immortale, rationale, perfectum siue intellectuale, beatum, a malo omni remotissimum, prouidentia sua mundum, et quę sunt in mundo disponens omnia; non tamen inesse illi humanę formę liniamenta etc. De nominibus et substantia eius 75.76.
- Dei imaginem in annulo minime circumferendam 82.
- Idem Pythagoras dixit se ad inferos descendisse atque uidisse Hesiodi animam columnę ęreę astrictam ac stridentem, Homeri uero ex arbore pendentem et a serpentibus obsessam pro his quę de diis dixere 82.
- Pythagorici putant solem, lunam et reliqua sydera deos esse 83.
- Xenophanes uersu scripsit contra Hesiodum et Homerum,
exprobrans illis, quę de diis dixere. Dei substantiam dixit rotundam esse et globosam nihilque cum hominibus habere commune, totum cernere totumque audire, non tamen respirare simulque esse omnia: mentem, prudentiam, ęternitatem 90. - Melissus ait de diis nihil diffiniendum; neque enim illorum certam esse notionem 91.
- Prothagoras, cum idem dixisset, ab Atheniensibus pulsus est et libri eius combusti 93.
- Quę non transmutantur, incomprehensibilia sunt et ab eius quod mutatur natura prorsus aliena 103.
- Deum esse animal immortale ac beatum 108.
- Decimas frugum separant Athenienses in sacrificiis publicis offerendas 8.
- Chilo difficile esse dixit ocium recte disponere 10.