CroALa & LatTy: nodus

Nodus 1065437 in documento marul-mar-repert.xml

METHAMORPHOSES Derisio. Stelles Cererem auide bibentem irrisit et ab ea aspersus in stellionem cessit V. Deformis. Achelous fracto cornu IX. Mydas auribus asininis XI. Scylla usque ad ilia in canum formam uersa XIIII. Cippus cornibus in temporibus natis, cum uictor Romam redisset XV. Dolus. Argus a Mercurio Syringę fistulę cantu sopitus et interemptus I. Semele ob pellicatum a Iunone decepta interiit III . Peliam filię uolentes benefacere occiderunt, dolis Medeę captę. Chiron insidias tendebat uiatoribus, Procrustes et Geriones hospitibus, a Theseo occisi sunt VII. Protheus et Mestra in diuersas species se mutantes VIII. Item Achelous, quando luctatus est cum Hercule. Deianira dolo Nessi Herculi uiro necis causa fuit. Lucinę dolus in Alcumenam, ut difficilius pariat et Galantidis minestrę, quo decepit Lucinam VIIII. Thetis in formas uarias Peleum eludebat XI. Periclimenes in multas species se mutans, dum pugnat cum Hercule, postremo in aquilam uersus sagitta occubuit XII. Cecropes semper insidiati bonis in simias a Ioue uersi sunt. Circe uenefica in bestiarum formas homines mutans. Vertumnus se multipliciter mutans, ut Pomonam fugientem se caperet XIIII. Diuitię. In Colcho pellis aurea VII. Cornu Acheloi amnis Naiades filię omnibus bonis impleuerunt et Copię deę dedicauerunt IX. Venus ex Damasceno agro Hyppomani tria poma aurea donauit, quibus uicit Athalantam X. Myda quicquid tangit, fit aurum. Suppositus Pactolo fluuio arenas reddidit aureas, ipse in pristinam naturam rediit XI. Anii filię Libero fauente, quicquid manibus tangebant, in segetem uuasque uertebatur. Agamemnon uoluit eas adducere, ut exercitum alerent; uersę in columbas euaserunt. Crater, quem Ęneę Anius dedit, ab Alcone conflatus et sculptus XIII. Dolor. Sorores Phetontem flendo uersę in populos arbores, lachryme earum in electrum. Cygnus ipsum deflendo in auem sui nominis mutatus est II. Naiades fratrem Narcisum flentes III . Comites Inoos casum moerentes in saxa mutatę IIII. Ciane Proserpinam raptam lugens in fontem sui nominis cessit, qui est iuxta lacum Arethusę V. Amphion amissis filiis se ipsum interemit. Niobe uxor in saxum diriguit. Nymphę satyrique Marsiam flentes ex lachrimis flumen Marsyam fecerunt. Pandion casu natarum afflictus corruit VI. Hyrie Cygni filii casum lugens et in stagnum se immergens in auem uersa. Cephisus nepotis exitum lugens, Eumelus filiam in uolucrem uersam VII. Sorores Meleagrum flentes in aues Meleagrides VIII. Biblis lachrimę, quod fratris Cauni amoribus uti non poterat, in fontem Carię Biblim uersę IX. Ciparissus ceruam suam, quam habebat in deliciis, in siluis repertam sagitta confixit, ut agnouit non siluestrem, sed suam esse, prę dolore defecit. Iacinti flos AI litteris inscriptus dolorem attestantibus X. Alcyone lugens Ceicis mariti mortem XI. Hecuba, dum Polixenę filię uulnera secus ripam lauat, Polidori corpus a Polymestore occisi in aquis natare uidit, ex dolore in rabiem uersa, dissimulato odio et colloquio cum Polymestore impetrato nares eius dentibus apprehensas auulsit, dum Tracibus urgeretur, in canem est uersa. Aurorę lachrimę Memnonem filium ab Achille interemptum flentis uersę sunt in rorem matutinum. Memnonides aues ad eius tumulum quotannis dimicantes ei sanguine suo parentant XIII. Cannens uirum suum Picum lugens, iuxta Tyberim tabuit. Locus dictus Cannens. Hersilia flens Romulum maritum a Iunone mutatur in deam Horam XIIII. Ęgeria Numę mortem lugens in ualle Aricina uersa est in fontem sui nominis XV. Degener. Anigris fluuius aliquando potantibus iocundam aquam prębuit, deinde in amarissimam conuersus est, quia Centauri ab Hercule uulnerati suum ibi cruorem abluerunt. Hyppanis, Sicilię fluuius, ab initio dulcissimus, deinde marini liquoris XV. Diabolus. Phiton serpens ab Apolline interemptus I, a Cadmo draco III , a Iasone draco VII. DEVS. Iuppiter, Diespiter, ęther, Saturni ex Rhea uel Ope filius, patrem regno expulit. Lycaonem, Archadię tyrannum ob sęuitiam conuertit in lupum et hominum genus diluuio deleuit. Ionem, Inachi amnis filiam, stuprauit, in uaccam uertit et in pristinam figuram reuocatam Isim deam fecit I. Phoetontem, ne orbem incenderet, fulmine a Solis cursu deturbauit. In Dianę formam mutatus Calistonem, Lycaonis filiam, uitiauit. Esculapium propter Hyppolitum uitę restitutum fulminauit. In taurum uersus Europam, Agenoris filiam, tergo insidentem a Phenicię littore uexit in Cretam ibique ea potitus est II. Bacchum ex Semele genuit, cum illa ut cum Iunone congressus libidinoso furore extinxit Bacchumque exemptum suo femori inseruit, deinde alendum nymphis in Nysa, Indię monte, tradidit. Iunonem in contentione uicit, quod ex concubitu maior esset uoluptas mulierum quam uirorum indice Tyresia uttrumque sexum experto. Quem Iuno luminibus orbauit, ille diuinandi scientiam ei contulit III . Ex Danae, Acrisii filia, genuit Persea IIII. Bello Gygantum timens Typheum dicitur uersus in arietem V. Rhodopen et Hemum, quod Iunonis Iouisque nomina sibi usurpauerant, in montes mutauit. Cum Antigone Laomedontis filia, concubuit. In aquillam uersus compressit Asterien, in olorem Ledam, Tyndari filiam, in equam Medusam Gorgonem, in delphinum Melanthon. Ex Latona genuit Dianam et Apollinem.Rusticos, qui sitientem Latonam a lacu arcebant, in ranas conuertit. Tantalum, qui ei inuitato Pelopem filium epulandum apposuerat, damnauit, ut apud inferos inter poma et aquas positus fame sitique conficeretur VI. Thelechinam et Iailium mari subiecit. Ex Alcumena genuit Herculem, ex Ęgina Ęacum, cui concessit, ut formicę, quas in arbore uiderat, in homines uerterentur VII. Ex Europa genuit Mynoem, Cretę regem. Cum Mercurio in homines uersi in Phrygia a Philemone et Baucide libenter suscepti, casam eorum in templum, eos in antistites templi, deinde Philemonem in fruticem, Baucidem in thiliam uerterunt, oppidum uero propter incolarum inhospitalitatem in stagnum VIII. Caliroe petenti dedit, ut duo filii eius in ętatem ualidam adolerent, quo patrem Alcmanum per fallaciam Phegei occisum ulcisci possent VIIII. In aquilam uersus Ganymedem, Trois filium, e monte Ideo rapuit in cęlum ministrumque sibi fecit X. Thetim adamauit, sed concubitu abstinuit, cum prędictum esset filium patre fortiorem genituram XI. Aurora rogante Memnonis, eius et Titani filii ab Achille occisi, cineres sororumque ipsius in uolucres uertit, quas appellant Memnonides XIII. Cecropes fraudulentos et bonorum insidiatores in simias transfudit. Veneris rogatu Ęneam, eius et Priami filium, deum fecit, quem Indigetem nuncuparunt XIIII. Iuno, Iouis et soror et coniunx, Argum a Mercurio occisum uertit in pauonem. Calistonem cum Arcade filio in ursam uersos inter sydera collocauit II. Semelen in anum uersa decepit ad necem ob pellicatum. Tyresiam pro Ioue contra se iudicantem luminibus orbauit. Echo nympham, quod se garrulitate sępe morata fuisset, ne Iouem in adulterio nympharum deprehenderet, a Narcyso contemni et in saxum uerti curauit III . In Athamantem et Inoem, eius coniugem, euocatis Eumenidibus in furorem uertit eo quod numen suum contempserant. Athamas ergo Learcum filium pro fera occidit, Ino cum Melicerta filio in mare se pręcipitauit. Comites quoque Inoos uertit in saxa IIII. Bello Gygantum Typhonem timens uersa est in uaccam V. Pygmeam conuertit in gruem, Antigonam in ciconiam, quod cum Ioue coisset. Cynarę et regis Assyriorum filias ob earum insolentiam in gradus templi sui lapideos mutauit. Latonam in partu Dianę et Apollinis grauiter laborare et per diuersas regiones errare fecit V. Iasonem iuuit cum Minerua in raptu pellis aureę VII. Alcumenam ob adulterium difficili partu damnauit IX. Alcyonę, Ceicis coniugi, exorata Morpheum, Somni filium, misit, qui ei mariti naufragium in quiete repręsentauit XI. Hersiliam, Romuli coniugem, deam fecit, quam Horam Quirini nuncuparunt XIIII. Neptunnus, Iouis frater, Cornici, Coronei filię, uim intulisset, nisi prius a Pallade ob uirginitatem tenaciter custoditam in auem sui nominis mutata cessisset. Inoem et Melicertam Veneris rogatu in Leucothoen et Palemonem, deos marinos, recepit. Cum Medusa in templo Mineruę concubuit IIII. Peliam ex Tyro nympha genuit. Chironem filium a Theseo ob latrocinia peremptum in scopulos Schironidas conuertit VII. Protheum ex Thetide genuit in formas uarias se mutantem. Mestram, cuius aliquando concubitu usus fuerat, cum uendita seruiret, in pis/catorem senem conuertens seruitute liberauit VIII. Laomedonti in construenda Ilio cum Apolline operam locauit, sed mercedem negante agros eius undis oppleuit et Hesionen filiam belluę marinę prostituit. Peleo a Thetide sępe eluso per Proteum consuluit, ut in meridiano calore quiescenti uincula iniiceret. Sic ipse illa potitus Achillem genuit XI. Cygnum filium, qui nullo telo interimi poterat, ab Achille eliso gutture pręfocatum in uolucrem sui nominis mutauit. Ceneidi, Elateę filię, pro concubitu dedit, ut in uirum uersa nullo telo interfici posset. In nuptiis Perithoi Ceneum a Centauris arborum truncis obrutum in auem sui nominis conuertit. Periclimeni concessit facultatem in uarias se uertendi formas, quem in aquilam uersum Hercules sagitta interemit. Apollinem exorauit, ut Paridis sagittam in talum Achillis dirigeret, quod ipse Cignum, filium suum, occidisset XII. Galateam, Nerei et Doridis filiam, uim Cyclopis effugientem in mare recepit. Glaucum quoque piscatorem inter marinos deos admisit XIII. Glaucus autem Scyllam amabat, sed Circe inuidens eam pubetenus in speciem canum uersam deformauit XIIII. Thetis, Cęli siue Titani et Vestę filia, Oceani coniunx, ex Peleo genuit Achillem. In Peleum irata, quod is Focum, suum et Eaci filium peremisset, lupum immisit, qui pastores et armenta ad Ceicem a Peleo delata necabat. Tandem precibus eius placata lupum in saxum conuertit X. Saturnus uersus in equum Philiram, Oceani filiam, lusit eiusque concubitu Chironem genuit VI. Ditis siue Pluton, Iouis frater, Proserpinam, Cereris filiam rapuit. Cyanen nympham in fontem sui nominis uertit V. Orpheo Euridicen coniugem ad superos reducendam concessit, si modo, donec euaderent, sequentem illam non respexerit. Cum Mente nympha concubuit, quam Proserpina propter adulterium in herbam sui nomnis mutauit X. [Anii sacerdotis filiabus...uirginibus donauit, ut earum] Bacchus, Iouis et Semeles filius, nymphis in Nysa, Indię monte, nutriendus clam traditus. Versus in Acesten elusit Penthea, contemptorem suum et ab Agaue matre et sororibus in furorem uersis interimi curauit. Tyrenos nautas, qui se raptum nauigio imposuerant, in delphinos et nauis armamenta, in feras serpentesque conuertit III . Leucothoen et sorores eius, Minei filias, ob sacra contempta repenti tibiarum et tympanorum sono exterruit, telas instrumentaque earum in hederam ac uites mutauit, domum repleuit feris, ipsas denique in uespertiliones conuertit IIIII . Bello Gygantum Typheum pauens uersus est in caprum V. Versus in uuam oppressit Erigonen VI. A Medea suis nutricibus iuuentam impetrauit. Iuuencum in nemore in ceruum transfiguratum subduxit VII. Ariadnam a Theseo derelictam sibi copulauit, coronam eius inter sydera collocauit VIII. Mydę dedit, ut, quicquid tangeret, in aurum uerteretur, pristinamque petenti naturam restituit, cum eum Pactolo supposuisset XI. Anii sacerdotis filiabus uirginibus dedit, ut earum manibus contacta in segetem uuasque uerterentur XIII. Mars ex Venere genuit Hermionen, quam duxit Cadmus IIII. Ex Bistonide nympha genuit Tereum, Tracum regem VI. Romę urbis conditorem Romulum ex Ilia siue Rhea procreauit XV. Apollo, Iouis et Latonę filius, Phytonem serpentem sagittis interemit. In Daphnen, Penei fluminis filiam, exarsit I. Sol idem ex Climene, Oceani et Thethios filia, Phetontem genuit, currum suum illi regendum concessit, quod illi uersum est in perniciem. Idem Apollo ex Coronide Esculapium genuit, quem Chironi medendi artibus imbuendum tradidit. Pecus Admeti regis pauit, fistula et cantu solitudinem protegens. Boues ab eo aberrantes furto sustulit Mercurius II. Cadmo condendę urbis locum consultus monstrauit III . Idem Sol relictis Climene, Rhodo, Clitie Leucothoen adamauit eamque in speciem Eurimenes, matris eius, uersus uitiauit. Porro a patre terrę defossam in uirgam thuream conuertit IIII. Idem Apollo bello Gygantum Typhonem expauescens uersus est in coruum V. Versus est in accipitrem, in leonem, in pastorem, ut Hisem, Macharei filiam, uitiaret. Niobes et Amphionis filios ob Latonam ab ipsa contemptam cum sorore Diana sagittis confecit. Marsiam secum tybiis certantem suspendit et tergore nudauit VI. Idem Sol Oetam regem ex Persa, Oceani filia, genuit VII. Dryopen, Euriti filiam, amauit IX. Cyparissum puerum amissi cerui dolore confectum in arborem sui nominis conuertit. Iacinthum secum ludentem disco imprudenter iacto elisum in florem mutauit X. Serpentem caput Orphei in Hebro proiectum morsu appetentem in saxum conuertit. Pana fistulę cantu Thmolo monte iudice superauit. Mydam id reprobantem auriculis asininis damnauit. Cum Neptunno Ilium Laomedonti struxit. In anum uersus Chionen, Dedalionis filiam, compressit. Ex ea Palemona, cythare studiosissimum, procreauit. Dedalionem dolore filie a Diana peremptę e Parnaso precipitatum uertit in accipitrem XI. A Neptunno exoratus Paridis sagittam in Achillis talum direxit XII. Sybillę, Glauci filię, pro concubitu longeuitatem et uaticinium dedit XIIII. Esculapius, Apollinis et Coronidis filius, Hyppolitum defunctum herbis in lucem reduxit. A Ioue fulminatus ob ausum tanti facinoris poenas dedit. Romę pestilentia laboranti per legatos ab Epidauro in serpentis forma aduectus saluti fuit, si fabulis creditur XV. Vulcanus, Iouis et Iunonis filius, ob deformitatem e cęlo in Lemnum pręcipitatus claudusque factus. Ibi, ut alii dicunt, nutritus a simiis, ut alii, a Thetide et Hermione, Oceani filia, Ioui fabricauit fulmina, diis contra Gygantes arma, monile Hermioni, coronam Ariadnę, Achilli et oneę arma. A Minerua spretus ex solo complexu genuit Erictonium. Venerem habuit uxorem. Quę cum Marti obsequeretur, in adulterio deprehensos cathenis tenuissimis ligauit et spectaculum prębuit diis. Sic Tortellius. Mercurius, Iouis et Maię filius, deorum nuncius, Argum Iouis iussu sopitum interemit. I. Apollini poscenti Admeti regis boues furto subduxit. Bathum perfidia eius offensus in saxum mutauit. Hersen, Cecropis filiam, sorore eius Aglaura precio corrupta ac operam nauante subegit. In Iouis gratiam, cum Europam rapere uellet, armenta Phoenicię regionis ad littus compulit II. Ex Venere Hermaphroditum genuit IIII. Cum Ioue in Phrygia a Philemone et Baucide hospitio suscepti bene eis fecerunt, reliquis ciuibus propter inhospitalitatem male VIII. Chionen, Dedalionis filiam, dormientem compressit ex eaque genuit Auctolicum furacissimum XI. Hercules, Iouis et Alcumenę filius, iussu Euristei descendit ad inferos, Cerberum inde in Ponticam regionem eduxit, cuius uomitus uersus est in uenenum aconitum VII. Cum Acheloo pro Deianira luctatus uicit, fracto ei altero cornu. Nessum Centaurum uim Deianire inferentem sagitta confecit. Qui moriens uestem sanguine suo cruentatam mulieri dedit, asserens id esse remedium in coniugem amoris deserti. Ea denique indutus Hercules in Euboea, cum filiam regis adamasset, consumptus est ui ueneni. Lycam famulum, qui uestem attulit a Deianira missam, arreptum proiecit in mare. Sagittas reliquit Philotetę, Peantis filio, sine quibus Troia capi non potuit. Exustus pyra, quam ei Philotetes struxerat, deificatus est. Hebben, Iunonis filiam, sibi copulauit; ex qua Iolaum genuit; genitus pręuenit ętatem adultu IX. Hesionen, Laomedontis filiam, belluę marinę expositam liberauit. Equos pro mercede pollicitos cum dare Laomedon diferret, Ilium expugnauit et Hesionen abreptam Thelamoni, militię socio, tradidit XI. Citillum, Alcmonis filium, Argis procreatum in somnis monuit, ut patriam relinqueret et iuxta Hesereum, Italię amnem, sedem poneret. Quod cum lege uetitum esset, senatu deliberante nigri calculi in candidos uersi fauori fuere. Ille ergo profectus oppidum condidit uocauitque Taliareum XV. Eolus, uentorum deus, dies septem uentos cohibet alcyonibus auibus nidum super mare ponentibus, eo quod Alcyone et Ceix, eius maritus, Luciferi filius, suus nepos, in eas auiculas uersi sunt XI. Priapus, hortorum numen, fuit ex Lampsaco, urbe Hellesponti. Huic erat asellus uictima. Lothidę nymphę dormienti insidiatus frustra dicitur. Nam illa rudente asello excita effugit, ac ne ille fugientem consequi posset, uersa est in lothon arborem. Cuius trunco infixa inhęsit Driope, quod ramum eius ausa fuit decerpere IX. Pallas, Minerua, Trytonia, Bellona, e uertice Iouis armata prosiluit. Pręses bellorum, uirgo et innupta. Pallanta, Gygantem, cum sibi uim inferret, interemit. Apud Trytoniam paludem primum reperta. Sapientię dea, omnium artium inuentrix. Illi arces consecrantur. Erictonium ex Vulcani complexu natum sustulit, in cistella condidit. Quam contra eius edictum cum Cornix aperuisset et uisa diuulgasset, eam a se expulit, Neptunno tamen uitiare uolenti subtraxit, in auem sui nominis conuersam. Aglauram, quod precio corrupta Hersen sororem iunxit Mercurio, tum quia et ipsa cistellam ausa fuisset aperire, Inuidię tradidit et diu successibus sororum excruciatam in saxum mutauit II. Cadmum monuit draconis dentes humi spargere III . Persea iuuit, ut intercepto Phorcidum lumine Medusam perimeret.1 Medusę crines, quod cum Neptunno in templo suo concubuerat, in serpentes conuertit IIII. Aragnen Lydiam, Idmonis filiam, quam lanificium docuerat, iam secum ausam certare, uictam mutauit in araneam. Athenis nomen imposuit cędente Neptuno. Oliuam inuenit. Tibias quoque inuenisse dicitur VI. Cum Iunone Iasonem iuuit ad uellus aureum asportandum. Perdicem a Dedalo e muro deturbatum in uolucrem sui nominis mutauit VIII. Diana, Iouis et Latonę filia, Acteonem, qui nudam casu aspexit, uertit in ceruum III . Cum Proserpina erat ad Pegusam lacum Ęthnę, cum rapta est a Dite.Affuit Aretusę Alpheum fugienti et sub terra raptam in insulam Sicilię Ortygiam misit. Bello Gygantum Typhonem timens uersa est in felem V. Cum fratre Apolline sagittis occidit filios Nyobes, Latonę contemptricis VI. Aprum misit, qui Calidonię agros uastaret, quia Ceneus in sacrificio colligendorum fructuum eam pręterierat VIII. Chionen, Dedalionis filiam, quod se illi pręferret, transfixa lingua peremit XI. Pro Ephigenia ceruam imolandam supposuit XII. Zanclen insulam prius continenti Italię iunctam secreuit, quod ibi Latonę matri sedes denegata fuerat. Hyppolitum uitę restitutum ab Esculapio in adultam formam protinus extulit et Virbium dictum in ualle Aricina collocauit. Egeriam Pompilii mariti mortem lugentem in fontem sui nominis mutauit XV. Aurora Cephalum, Procris maritum, adamauit. Diana Procri canem cursu inuictum et iaculum sine errore dedit, illa Cephalo VII. Aurora Memnoni filio ab Achille occiso ab Ioue impetrauit, ut ipse et sorores in uolucres Memnonides uerterentur. Ipsius autem Aurorę lachrimę uerse sunt in rorem matutinum XIII. Lucina siue Elicia a parturientibus inuocatur. Alcumena parturiente nexis manibus Iunoni obsequens partum tardabat. Galantidem, eius ministram, quę illam mendacio deceperat, in mustellam uertit et ore, quo mentita est, partum edere iussit IX. Ceres, Iouis soror, Proserpinam illi genuit. Quam raptam quęrens cum sitiret, Mysena anu aquam porrigente auide sumpsit. Quod iridentem Stellem puerum in stellionem uertit. Proserpinę. filię reditum ab inferis impetrauit, si ibi nihil gustasset. Ascalaphum, quia illam granum mali Punici edisse indicauit, in bubonem uertit. A Ioue tamen impetrauit, ut illa sex menses apud Ditem et totidem apud se esset. Triptolemum ad fruges ubique disseminandas misit. Lincem, cum dormienti Triptolemo necem illaturus esset, in feram sui nominis mutauit. Eristonem cum filia Mestra, quod in Thessalia lucum eius uastauerat, fame grauissima affecit VIII. Venus, Iouis et Dionę filia, Narcysum ob duritiam, qua in nympham Echo usus fuerat, in amorem proprię formę impulit, ita ut defecerit III . Pro Inone et Melicerta Neptunnum precata, ut in marinos deos reciperentur, impetrauit. Marti genuit Hermionen, Cadmi coniugem IIII. Indignata, quod Diona et Proserpina numen suum coniugiaque spernerent, Ditem impulit in amorem Proserpinę ita ut raperet eam. Bello Gygantum Typhonem fugiens uersa est in piscem V. Ceas matronas, quod se illi forma pręferrent, in uaccas conuertit VII. Omathus, Cypri oppidi incolas, ob crudelitatem in boues cerastas mutauit. Propetidas, Ametunti filias, quod se aspernarent, primas corpora in triuio uulgare coegit. Quę tandem propter libidinem in saxa conuerse sunt. Signum eburneum Pygmaleoni roganti in uirginem animauit. Myrrham, quod ipsam mater Centreis sibi pręferret, in amorem Cynarę patris impulit. Adonem ex iis natum adamauit eumque ab apro in uenatione interemptum in florem purpureum conuertit. Hyppomani ex Damasceno agro tria poma aurea donauit, quibus ille Athalantam uicit. Sed erga se ingratum experta effecit, ut in luco matris deum concumberent. Cuius odio mutati sunt in leones X. Comites Diomedis se contemnentesuertit in aues cygnis similes. Pro onea rogauit Iouem, et factus est deus, quem Indigetem dixerunt. Anaxareten puellam ob duritiam in Iphim, qui ab ea contemptus defecerat, in saxum mutauit XIIII. Cęsarem in senatu occisum rapuit de medio, in cęlum tulit, qui in stellam emicuit XV. Cybelle, Berecynthia, Ops, Rhea, Bona dea, Cybeleia, deum mater, Dyndimena, Idea mater. Eius antistes Athis uersus est in pinum. Hyppomanem et Athalantam, quod lucum ei ab Echione, terrę filio, sacratum concubitu uiolauerant, in leones subiecit X. Naues Ęneę, ne illas Turnus cremaret, in nymphas marinas conuertit et alias naues leuauit XIIII. Isis, Ęgyptiorum dea, Theletusę fuit auxilio, eo quod iubente Lygdo marito prolem feminei sexus perdere, Iphim filiam pro masculo nutrierit. Quam cum Ianthis Thelesci filia ei nupta esset, uertit in marem IX. Musę a Pyreneo hospitio susceptę uim inferentem in uolucres uersę euaserunt. Ipse sequi uolens pręcipitio uitam finiuit. Pyeri et Anipę11 nouem filias ad certamen cantus prouocantes uictas uerterunt in picas V. Pan amauit Syringam. Quę fugiens uersa est in calamos, ex quibus ille tibias confecit I. Vertumnus in uarias se formas uertens Pomona, hortorum cultrice, potitus est XIIII.