CroALa, 2024-04-29+02:00. Nodus 105654 in collectione croala.
Functio nominatur: /node/croala/105654.
1. Ad Quintum de Lycoride, famula formosa.Pauper, inops, patrio deducta huc rure Lycoris, Quinte, tuam subiit pulchra ministra domum. Fallor? An huc vilis quae venit, Quinte, ministra; Pulchra quod est, fiet jam domini domina; Teque reget ductans et capta mente sequentem Usque suum quovis flectet ad arbitrium? Quaere aliam, jussusque pati quae possit heriles, Jurgiaque et saevas pertimuisse minas. Formosae nulli suerunt servire puellae; Quo veniunt, semper sceptra superba gerunt.