CroALa & LatTy: nodus

Nodus 1051106 in documento marul-mar-repert.xml

VITĘ PLVTARCHI Consortium. Lacedemones peregrinari suos non sinebant, ne alienis moribus imbuerentur. Inutiles urbe depellebant 14. Themistocles, cum agrum uenderet, per pręconem nunciari iussit probum illi esse uicinum 43. Sophocleus iambicus: Quisquis domum tyranni proficiscitur, fit illius seruus, licet liber sit 40. [Alexander, cum illi suaderetur]. Calliditas Pisistrati ad tyrannidem aspirantis, qui se uulnerans id ab inimicis passum dixit. Athenienses ad eius custodiam armatos dandos censebant, sed Solon deprehensa hominis malicia intercessit 24. Quomodo Hannibal copias ex angustiis eduxit a Fabio circumdatus 56.70. Hannibal uoce Latina Romanos fallere tentauit 72. Quomodo elusit Cretensium auaritiam. In nauibus hostium uasa serpentium plena iactauit 74. LucullusMitilenos cępit dispositis insidiis, cum inde se discessisse simulasset 5. Constantia Photionis, cum fateretur se solum diuersa sentire contra omnium sententiam 60. Caritas in Deum. Lucius Albinus, cum curru ueheretur fugiens Roma a Gallis capta et similiter fugientes uidisset uirgines Vestę in sinu sacra ferentes, quo cultius ea ferrent, currum eis cęssit, ipse cum familia in terram descendit 47. Clementia. Scipio Africanus dicere solitus malle se unum ciuem conseruare quam mille hostes perdere 76. Lucullus malle se inquit unum ab hostibus Romanum eripere quam omnes sibi res hostium uindicare 6. Eius benignitas in Amasenos, cum eos ui cępisset 8. Leo Bizantius: Ego, inquit, ciues a uobis quam uobiscum interfici malo 18. Alexander erga captiuas 43. Erga Darium 44. Domitius ratus uenenum se hausisse dolebat cognita in captiuos Cęsaris clementia 54.57. Crudelitas. Post Hannibalis bellum Lucius Ostius fertur primus patrem occidisse 8, Qui seruum aliis seruis uerberibus necandum prębuit, et de ipso sumptum est supplicium 38. Crudelitas Alexandri, Thessalię tyranni 63. Viui defossi 64. Hannibal uiuos matrem cum liberis combussit 79. Lucius Flaminius in gratiam Puelli quendam ex damnatis in conuiuio adductum obtruncari iussit 85. Sylla, Marius, Sulpicius 122. Sylla 126. Marius omnes necari iusserat, quos obuios non salutasset 138. Marius iunior 139. Cinna et Marius 142. Bessum Alexander curuatis arboribus alligatum diffindi iussit 46. Cassius eodem, quo in Cęsarem usus fuerat pugione, se ipsum interemit. Brutus quoque propria manu in se usus 50. Antonius tragica pe rsona usus in Romanos, in Ęgyptios comica 106. Metrodatem Artoxerxes scaphis occidit 114. Parisatis Statiram, filii Artoxerxis uxorem, ueneno tollere uoluit, nisi illa cauisset 115. Cibus, potus. Lycurgi institutum, ut in communi simul coenarent, nequis priuatim luxurię indulgeret 12. Pericles coenarum apparatus contempsit deuitauitque aliorum conuiuia, quod uirtutis grauitati derogarent 51. Cato senior eodem uino quo operarii usus 91. Cibi ac potus parcissimus Agesilaus 28.29. Alexander coquos solertissimos ad se missos remisit his sibi opus non esse dicens, sed illis quos sibi Leonidas pedagogus comparauerat, ad prndia nocturnis itineribus, ad coenas uero prandiorm parcitate 43. In communi suorum siti alatam sibi aquam noluit bibere 46. Raro ante occasum solis discubuit Cicero propter stomachi cruditatem 88. Graciles et pallentes timuit Cęsar, non nitidos et comatos 104. Marcus Antonius, dum Alpes transcenderet, aquam corruptam bibit, radices crudas comedit, cum gulosissimus esset 104. Artoxerxes in siti aquam putridam bibens, ne uinum quidem unquam se iucundius bibisse confessus est 113. 114. In conuiuio Attici non aliud acroma quam anagosten, sine lectione non coenabatur, ut non minus animo quam uentre conuiuę delectarent 131. Celeritas. Celeres ueloces dicti a Celere, Romuli comite 6. Agatharco pictore se efferente celeritate pingeni animalia, Zeuzis "Ego uero longo tempore", inquit 52. Euchidas Plateensis ante solis occasum die uno mille stadium iter emensus 89. Lucullus longinqua emensus 13. Cęsar 52. Consilium secretum esse oportere. Ideo Consi ara sub terra posita erat in Circo Maximo Romę 7. Diana Aristobula, id est optime consulens 143. Tonitru audito comitia dissolui solita 68. Credulitas. Subita persuasio ad scelus peruia est 116. Curiositas. Antigonum Demetrio filio interroganti, quando cum exercitu reuersurus esset, respondisse ferunt: An solus times, ne tubarum sonitum audire non possis 98. Concordię templum fieri in foro Camillus uouit 50. Concordes difficile superari Sertorius ostendit exemplo hominis uellicantis equi caudam et totam simul auellere nitentis 144. Concordia regni inter Antigonum et Demetrium, eius filium 94. Custos. Eumenes captus cum rogaretur, quonam pacto custodiendus esset, ut leo, ut elephantus 141. Confugium. Asylus a Romulo constitutus 6. Themistocles dicere solebat se non nisi in periculis a suis honorari. Ad se enim procellę tempore tanquam ad platanum confugere, redeunte autem serenitate, euellere ac deiicere 43. Corporis cultus. Abantes anteriorem capitis partem abradentes, ne ibi ab hoste apprefendi possent, dum manus consererent. Sic et Macedones sub Alexandro barbam eadem de causa abradebant 1.