CroALa, 2024-04-28+02:00. Nodus 104337 in collectione croala.
Functio nominatur: /node/croala/104337.
67. Libro Evangeliorum inscriptumHaec hominum generi vitae praecepta reliquit Ingens aetherei Filius ille Patris. Qui sapis, hunc versa noctesque, diesque libellum, Hic claram in tenebris praeferet usque facem: Hic reget errantes gressus, dum nocte fugata Fulgeat aeterna candida luce dies. Noxia quid veterum quaeris tot scripta sophorum? Parvus habet, quod te sospitet, iste liber.