CroALa & LatTy: nodus

Nodus 104205 in documento kunic-r-epigr.xml

63. [  Enc. 44] De Pii Sexti Pontificis Maximi erga Sanctum Petrum pietate Usque Pius te, Petre, colit, visitque, tuosque Longum suspirans alloquitur cineres, Atque tua paullo ne longius absit ab ara, Tecta Quirinalis despicit alta jugi. Cultorem tu, Dive, tuum servaque, juvaque; Fac sacrum et sospes sospitet usque gregem; Sic regat et gentes, duce te, tu regna ferare Ut tua sub Sexto restituisse Pio.