CroALa & LatTy: nodus

Nodus 1024920 in documento marul-mar-repert.xml

VALERIVS MAXIMVS Amicicia. De amicicia, liber IIII, caput VII. Amicis inhonesta petentibus resistendum exemplo Pauli Rutilii, liber VI, caput IIII. Philippus Alexandrum increpat, quod non probitate, sed largitionibus comparet amicos, eodem. Fabius Maximus militem a se alienatum non punire, sed beneficio retinere/uoluit, dissimulans quę de illo comperisset; sic sibi fidum atque obnoxium fecit, liber VII, caput III. Biantis pręceptum est: Sic amico utendum, ut memineris posse fieri inimicum, eodem. Amicicia simulata Hannibalis erga Fabium, ut suspectum suis faceret, eodem. Sextus Tarquinius amicicię simulatione Gabios decepit, caput IIII. Auxilium. Salinator cum Hannnibale conflicturus noctu Nerone collega cum altero exercitu recepto prius hostem oppressit quam id ab illo resciri potuit, liber VII, caput IIII. Adulatio. Aristoteles Calistenem ad Alexandrum mittens monuit, cum eo aut rarissime aut quam iocundissime loqueretur, liber VII, cap. II. Auaritia. De auaritia, liber IX, caput IIII. Quintus Fabius Labeo, finium arbiter inter Nolanos et Neapolitanos, utrosque decepit, liber VII, cap. III. Faniam infamem duxit Caius Ticinus, ut postea deprehensam dote priuaret, sed Marius illum summa totius dotis damnauit, liber VIII, caput II. Aduersa. De repulsis, liber VII, caput V. De necessitate, caput VI. Rutilius nec accusatus uultum mutauit nec exul animum deiecit et Sylla reuocante redire noluit, liber VI, caput IIII. Solon amicum moerentem in arcem produxix et "cogita nunc tecum", inquit, "quam multi luctus sub his tectis et olim fuerint et hodie uersentur et sequentibus sęculis erunt habitaturi". Idem aiebat, si in unum locum cuncti mala sua contulissent, futurum ut propria reportare domum quam ex communi miseriarum aceruo portionem suam ferre mallent, liber VII, caput II. Apium Claudium maritima tempestas reum fecerat, cęlestis absoluit, liber VIII, caput I. Ars. Quam magni effectus artium sunt, liber VIII, caput XI. Casu factum quod ars facere nequibat in equo pingendo, eodem. Quędam nulla arte effici posse, cap. XII. Suę quenque artis optimum et actorem et disputatorem esse, cap. XIII. Audacia. Libere dicta aut facta, liber VI, caput II. De temeritate, liber IX, caput VIII. Audacia Marci Castricii in Cnęum Carbonem: cum ille multos enses se habere dixisset, et ego annos, respondit, liber VI, caput II. Pascelius duas res sibi magnam licentiam prębere dixit --- senectutem et orbitatem, eodem. Accusator. Infames rei quibus de causis absoluti uel damnati, liber VIII, caput I. Ab accusatione abstinendum, quando ex ea plus mali oriturum iudicamus, liber VI, caput II. Mulier a Philippo damnata, "prouocarem, inquit, ad Philippum, sed sobrium", eodem. Superbia Memmii accusatoris effecit, ut Fuluius Gabinus reus iam damnatus absolueretur, liber VIII, caput I. Valerii Valentini accusatoris turpitudo Caium Cosconium certissimum reum a damnatione liberauit, eodem. Appetitus. Cretum execratio in eos quos oderunt, ut mala consuetudine delectentur, optant; inutiliter enim ali quid concupiscere et in eo perseueranter morari, exitio uicina dulcedo est, liber VII, caput II. Anima immortalis. Galli mutuas pecunias dabant, quę iis apud inferos redderentur, liber II, caput I. Habitaculum. Marcus Emilius Porcina, quod uillam nimis sublime extruxisset, graui multa affectus, liber VIII, caput I.