CroALa, 2024-04-29+02:00. Nodus 102074 in collectione croala.
Functio nominatur: /node/croala/102074.
8. Ad reges SabaeosEoi reges, laeti procedite, sydus, Quo jubet, a patria jam procul ite domo; Nec grave sit solium, nec regia linquere sceptra, Et natum externo quaerere in orbe ducem; Illius et genibus sterni ad cunabula flexis, Illius et dulci colla jugo inserere. Felices, subdet vos quo sibi scilicet ille, Sceptra praeit longe regia servitium.