CroALa & LatTy: nodus

Nodus 1018258 in documento marul-mar-repert.xml

METHAMORPHOSES Agricola. Qui uersi in arbores uel flores uel animalia uide in dictione Mutatio rerum. Apollo, Admeti regis pecoris pastor, fistula et cantu solitudinem protegens, lib. II. Athlas custos horti, in quo poma aurea IIII. Triptolemus missus a Cerere per regiones ad fruges diuidendas V. Oliua a Pallade inuenta VI. Anii filię a Libero munus acceperunt, ut, quicquid tangerent manibus, in segetem et uuas uerteretur XIII. Pomona nympha hortorum cultrix a Vertumno adamata XIIII. Agricola uomere glebam ponderosiorem excitauit, et dum rem miratur, uidit formari in puerum, qui Tages dictus apud Etruscos diuinandi inuentor XV. Adulatio. Hyenna fera quoscunque colores tangit, eos illico assimilat XV. Auaritia sęculo ęneo subrepsit I. Bathus uaccam accepit a Mercurio, ne furtum eius indicaret, mox ut proderet uaccam cum boue offerenti, prodidit et ab eodem in lapidem indicem uersus est. Aglaura, ut Hersam sororem Mercurio iungeret, aurum poposcit, a Minerua in saxum mutatur II. Iason Cholcos petiit ad pellem auream asportandam. Tauri ignem spirantes et draco custodes Phrixei uelleris. Arne auro corrupta Athenas patriam hosti prodidit, in monedulam uersa adhuc auri splendore delectatur VII. Atalanta cursu pedum uicit procos, ab Hyppomane uicta est, dum inter currendum poma aurea ab eo proiecta colligit X. Mydas optauit, ut quicquid tangeret, aurum fieret, pene inedia consumptus est. XI. Polymestor, rex Tracum, Polydorum sibi a Pryamo commissum, ut auro eius potiretur, audito Troye excidio interemit. Hecuba mater in uindictam filii nares illi mordicus auulsit XIII. Aduersa. Cadmus et Harmonia calamitatum suarum et nepotum tedio affectus fugerunt in Ylliriam et a diis impetrarunt ut in dracones uerterentur, quod a dracone fortunam auspicati essent IIII. Mestra, quia pater eius Erysichthon lucum Cereris deuastauerat, aduersa passa est, et ambo pene fame confecti VIII. Glauci piscatoris pisces capti et in terram expositi, recuperato spiritu rursum in pelagus prosilierunt, unde extracti fuerant XIII. Socii Vlixis quanta passi sunt apud Lestrigonas et a Cyclope Antiphate et a Circe, tandem liberati ab Vlixe XIIII. Ars. Mineides lanificę, quarum solertissima Leuchotoe IIII. Aracne acu cum Pallade contendit. Docta etiam mater eius Hypępa VI. Laberinthus in Creta a Dedalo factus. Glaucus piscator pisces, quos cęperat, perdidit XIII. Aqua. Sabinis Romam irruentibus nymphę Veneris precatu excluserunt fontem et repentina undarum erruptione repressi sunt XIIII. Audacia. Gygantes bellum intulerunt diis. De sanguine eorum fulminatorum nati tyranni inter quos Lycaon I. Pheton solis currum agitare ausus periit II. Semele putauit se Iouem ferre posse, qualis congreditur cum Iunone III . Pyeri filię Musas cantu prouocare ausę. Typheus cum diis pugnare ausus othnę subiectus erructat ignem V. Aracne contendit cum Minerua, cessit in araneam VI. Rodope et Hemus Iunonis et Iouis sibi nomina uindicantes uertuntur in montes. Nyobe filiorum foetu elata sacra Latonę contempsit. Marsyas tybiis cum Apolline contendit VI. Iacinthus puer disci lusum cum Apolline ausus exercere, eo elisus est. Adon a Venere monitus, ut a feris caueret, aprum aggressus periit X. Anima. Pythagoras deffinit nefas esse animalium carnibus uesci eo quod hominum animę in his transfundantur. Ait memoria tenere bello Troiano se Euphorbum, Panthoidis filium, fuisse, quo a Menelao occiso animam in se tranfusam esse XV.