CroALa & LatTy: nodus

Nodus 1017694 in documento marul-mar-repert.xml

IOANNES Amicitia. Samaritana reliquit hydriam et abiit in ciuitatem, ut Iesum sibi reuelatum aliis nunciet. Sic interest nostra omissis corporeis satagere ad impartiendum aliis de commodis acquisitis IIII. Mandatum nouum do uobis, ut diligatis inuicem; sicut dilexi uos, ut et uos diligatis inuicem. In hoc cognoscent omnes quia discipuli mei estis, si dilectionem habueritis ad inuicem XIII. Hoc est pręceptum meum, ut diligatis inuicem. Maiorem hac dilectionem nemo habet quam ut animam suam quis ponat pro amicis suis. Qualiter dilectio spiritalis discernenda sit a cęteris: ut tantum propter habendum Deum diligamus inuicem. Hęc mando uobis, ut diligatis inuicem XV. Auaritia. Quęritis me, non quia uidistis signa, sed quia manducastis ex panibus, et saturati estis VI . Mercenarius uidet lupum uenientem, et dimittit oues, et fugit X. Iudas: Quare hoc unguentum non uenditur CCC denariis, et datumm est egenis - non quia de egenis pertinebat ad eum, sed quia fur erat et loculos habens XII. Nunc etiam Christus quodammodo apud auaros mortificatur in paupere famem patiente XVIII. Aduersa. De cęco a natiuitate dicitur: Neque hic peccauit neque parentes eius, ut cęcus nasceretur, sed ut manifestentur opera Dei in illo. Igitur non semper propter peccata ueniunt aduersa IX. Facta autem sunt encenia in Hierosolimis, et hyems erat. Et ambulabat Iesus in templo, in porticu Salomonis. Satagas tu quoque dum hyems imminet, id est uita pręsens turbinibus iniquitatis concussa spiritales/ encenias tui templi celebrare, semper renouando te ipsum et ascensiones in corde tuo disponens. Tunc Iesus exit pręsto tibi in porticu Salomonis pacificum statum tibi tribuens sub tegmine proprio X. Mulier cum parit, tristitiam habet etc. In mundo pressuram habebitis ; sed confidite, ego uici mundum XVI. Artes. Apostoli piscatores. Petrus etiam post resurrectionem Domini abiit piscatum. Hinc discimus quod opus, quod sine peccato exercetur, et post conuersionem conceditur. Petrus itaque rediit ad rhete, sed Mattheus non rediit ad theloneum XXI. Appetitus. Qui lotus est, non indiget nisi ut pedes lauet, sed est mundus totus; pedes, id est affectus, quibus in hac uita omnino carere non possumus. Hęc cum dixisset Iesus, turbatus est spiritus etc. Pereant igitur argumenta Stoicorum, qui negant in sapientem cadere perturbationem animorum etc. Turbetur plane animus Christiani non miseria, sed misericordia XIII. Apostoli. Tu es Simon, filius Ioanna; tu uocaberis Cephas, quod interpretatur Petrus. Erat Philippus a Bethsaida, ciuitate Petri et Andreę I. Apostoli XII quia per quattuor cardines mundi Trinitatem fuerant denunciaturi VI. Apostoli prius serui, deinde filiolli, postmodum fratres XIII . Insufflauit et dixit eis: Accipite Spiritum Sanctum! Quorum remiseritis peccata, remittuntur eis; et quorum retinueritis, retenta sunt . Discipulorum dignitas. Petro agnorum et ouium cura committitur XXI. De Ioanne: Sic, uel si, eum uolo manere, quid ad te etc . XXI.