CroALa, 2024-04-29+02:00. Nodus 1008536 in collectione croala.
Functio nominatur: /node/croala/1008536.
10 Ad clarissimum uirum dominum Benedictum de Mulla, praetorem praefectum Spalatensem dignissimum, Donati Pasqualitii, archidiaconi Spalatensis, epigramma Quid tibi pro tanto, praetor Benedicte, reponam Munere, uel grates quas tibi pauper agam, Nescio: nam fului radiat mihi nulla metalli Massa, nec argenti lamina pura nitet; Horrea nec Libycis turgent mihi messibus ulla, Nec spumant dulci dolia plena mero. Talia cum nequeam tenuis dare, candide Mulla, Accipe cor uatis seruitiumque tui.