CroALa, 2024-05-21+02:00. Nodus TEBALDI.carm-01.xml in collectione pdill0.
Functio nominatur: /documentum/pdill0/TEBALDI.carm-01.xml.
1. Quom vigiles tacuere canes, et gallica turba Coeperant auspicio moenia facta deum Essent coniectis gallorum perdita flammis Si tempestive non strepuisset avis: Nullaque de tantis restassent nomina rebus: Romulidumque omnis gloria tecta foret. Sic fuerant latiae peritura poemata linguae Ni flueret Galli dulcis ab ore melos.
2. Bruma imbres veniunt, veniunt aestate calores: Imbribus haec multis, illa calore mala est: Pomifer autumnus, vel pressis sordidus uvis Ad stygias multos impulit ire rates. Ver violis, ver flore nitens mortalibus almum est. Namque imbre, et pomis, sorde, calore caret Ver anno ut melius, cunctis sic Vera libellus Arte, iocis, culto carmine, materiae.