CroALa: documentum

Documentum OPICIO.laud-01.xml in db pdill0

---

1. Extat in egregio quidam circumdatus omni Parte loco muris hortus et inde vadis 2. In qua pernitidi flos est rosa rubra coloris, Cui placuit flori iungere se niveo, Qui simul ecce ferunt croceos sua pignora flores, Clarum illustrantes totius edis opus. 3. Sed modo nonnullis fuerat mens artibus atque Nescio qua rubeam perdere fraude rosam; Ast sterili amissis mandarunt semina harenae Foenoribus, sed nec fata dedere modum. Attamen inter se summo de vertice in hortum Iactarunt muri gramina - triste scelus! - Ac genus urticae flores se miscuit inter, Virtutem ut rubrae perderet illa rosae. Dira sed urticae fuerant aconita rosarum Splendor, honos, virtus purpureusque vigor. Tunc se caeruleis crevisse optabat in undis Quum vidit rosulis florida prata suis, Denique quid faceret? Facerent quid gramina? Circum Prata urtica fugit, gramina sed periunt Sed postquam invictis victam se comperit: auctis Viribus illa rosae se tulit in manibus, Cui croceus summae semper pietatis abundans Flos veniam tanti criminis me dedit. Ergo urtica rosam supplex venerarier acque Est tibi stellifero sacre colenda dea: Nam potis est toto componere foedus in aevo: Si mihi quid credis, numen in orbe novum est. 4. Iam dea belligeri clausit Pax limina Iani, Et sedit inpatiens iam super arma Furor. Ferrea nunc nobis fugierunt tempora, sed iam Consurgunt satis aurea saecla suis. Iamque iter accipias, nullis satiate viator Divitiis; umbra luceque tuta via est. Quo duce, qui forsan dicent, haec commoda nobis Tradita sunt, laetis commoda temporibus? Septimus Albionum Henricus qui sceptra gubernat, Quo nihil in toto clarius orbe viget. Ille est purpurei splendor quem floris obumbrat. Rubra potest merito dicier ecce rosa, Nam veluti rosa rubra viget virtute. 5. Plura ego quid referam? Labor est plus facta referre Illius. En celebrat axis uterque virum. Hunc petit Insubrii Mautus Venetumque Senatus, Totius Italiae lumina prima soli; Hunc petit et Gallus, perit hunc Germania, clarus Astur et eximia nobilitare vigens. Tu quoque Parthenopes regem, memorande Britannum Rex, colis; en colit hunc Scotia tota virum. Ergo ego quid memorem, nostro quid carmine praeter? Si libet hic pacem, si libet arma movet. 6. Quis tu, qui laeto mihi pectore talia poscis? Te mihi, si credis, nascere voce puro. Non tu pastor amans formosam Amarillida Damon? Tityrus? Haud Egon? Thirsis es? Haud Coridon? Alphesibeus enim? Damoetas? Pulcher Adonis Non es. Si noster Mopsus amicus, ave.