CroALa, 2025-04-20+02:00. Nodus DEL_VIRG.buco-01.xml in collectione pdill0.
Functio nominatur: /documentum/pdill0/DEL_VIRG.buco-01.xml.
Ite, precor, pariter numeri, gremiumque salutis Ferte viro aonis reserat cui ianua silve: Ite, precor, via quippe brevis nulloque labore Est vobis adeunda; procul nam saxea moles Et scopuli, nullumque potest occurrere levum. Non vos belligeri vultus decernere martis, Iam non antei libie residentis in antris. Ibitis ymo viri quem pascunt pascua cigni Et quem virgilii grandis sapientia nutrit. Postera sit vobis prontissima cura precandi Quatenus involucrum, quamvis sit forte ligatum, Solvat et acephali michi libri metra severi Mictat, Virgilio sed non sapienter adempta.