CroALa, 2024-05-20+02:00. Nodus CRIVEL_A.epig-01.xml in collectione pdill0.
Functio nominatur: /documentum/pdill0/CRIVEL_A.epig-01.xml.
1. Conspicuum matrona decus virtute serena, Anguigeri mater digna fuisse ducis: Nec sine te Latias coleret pax candida terras, Nec sine te tutum carperet hospes iter, Nec sine te fierent nunc aurea secula mundo, Omnia cum nati sint opus ista tui. Nunc licet etherea leteris in arce per omnes, Te colet emeritam postera turba dies.
2. Lutia matronas inter veneranda priores Clauderis hinc Ligurum mater amata ducis: Te licet in celum probitas et fata vocarent, Nullius compos ambitionis eras.