CroALa, 2025-03-10+01:00. Nodus gotius-i-epigramma.xml in collectione croala0.
Functio nominatur: /documentum/croala0/gotius-i-epigramma.xml.
Ioannes Gotius Ragusinus Flete nouem sacrę decima cum Pallade Musae, (Nam decet) incomptis nunc ululate comis: Heu Domiti rapidae sparserunt funera flammae In cineres! Vestris hunc aluistis aquis, Hic uos - seu Graio dudum uelamine tectas, Seu tulit in latebras Romulus ipse suas - Monstrauit populis utroque e carcere ductas: Nunc decet incomptis, nunc ululate comis! Nemo magis uatum saciauit nube Sabaea Templa patris! Quid non rumpere Fata queunt?