CroALa, 2024-04-29+02:00. Quaero zamagna-b-osmanidos.xml in collectione croala.
Functio nominatur: /croala/opendoc/zamagna-b-osmanidos.xml.
Documentum in PhiloLogic croala: zamagna-b-osmanidos.xml.
Osmanidos fragmentum, versio electronica Gundulić, Ivan 1588-1638 Zamanja, Bernard 1735-1820 Neven Jovanović Hanc editionem electronicam curavit Neven Jovanović Mense Augusti, 2014. Mg:B 30 versus, verborum 199 Izdanje priređeno u okviru znanstvenog projekta Hrvatska latinistička epika, (Filozofski fakultet Sveučilišta u Zagrebu, Hrvatska).
Kolovoza 2014 Digitalna verzija: CroALa Gundulić, Ivan ; Appendini, F.M.: Versione libera dell'Osmanide poema illirico di Giovanni Fr.co Gondola Patrizio di Ragusa : Martecchini, 1827, s. 24-25 latinski ante 1820 poesis Litterae recentiores (1600-1850) Saeculum 18 (1701-1800) Saeculum 19 (1801-1900) 1751-1800 1801-1850 poesis - versio poesis - epica poesis - fragmentum Neven Jovanović 2014-08-17 Početna verzija.Et iam inter cumulos aggestae stragis, et ossa Othmanidum dux fertur equo, cura atra, dolorque, Stant lateri comites, nec luctu effingere vocem, Nec datur ad gemitus tristes via, namque revulsa Brachiaque ex humero rigidis arentia fibris, Et capita informi tabo nigrantia spectans, Horrescit magis, atque magis. Quam saepe coactus Quadrupedante putres gressu male proterit artus, Per medios molitus iter! Quam saepe resistens Acer equus refugitque horrens, et naribus auras E patulis efflans fremitu sonat, et vomit ignem Fumifero sudore madens, dum saltibus ipsos Supra et equos, equitesque una glomerantibus instat! Quid ductor? visu misere turbatus, et horrens Avertit nequidquam oculos, et lumina claudens Uda rigat lacrymis late manantibus ora,Curarumque aestu magno torquetur in horas Acrius, aut consanguineos sibi funere raptos, Aut cari memorans confossum pectus amici.Iamque etiam cuperet frustra divertere calle, Et longe properare alio: vetat invia cursu Semita, et albentes sparsis late ossibus agri. Nunc haec, nunc illa insultans quatit ungula cornu. Heu quid in adversis rebus crudelius usquam Esse recordanti poterat, vultusque suorum Fortunasque, usumque olim, quos laedere passim Cogitur invitus? Sic tota nocte, dieque Invisum properabat iter, dum constitit undas Ad Tanais , roseocum tertia fulsit ab ortuPost decimam lux alma etc. etc.
