CroALa & LatTy: documentum

CroALa, 2024-04-29+02:00. Quaero vrancic-f-carm-epist.xml in collectione croala.

Functio nominatur: /croala/opendoc/vrancic-f-carm-epist.xml.

Documentum in PhiloLogic croala: vrancic-f-carm-epist.xml.

Vrančić, Faust 1551-1617 Bratislav Lučin Hanc editionem electronicam curavit Neven Jovanović 2007-06-03 Mg:B 51 versus, verborum 606

elektronska verzija: Digitalizacija hrvatskih latinista, znanstveni projekt na Filozofskom fakultetu Sveučilišta u Zagrebu, Hrvatska. Lipanj 2007.

Digitalna verzija: CroALa Priredio Bratislav Lučin, prema kodeksu Varia Dalmatica (tzv. Varia Dalmatica, sign. 25290, ms. 617, Znanstvena knjižnica Zadar)

latinski 1561-1569 poesis prosa Litterae renatae (1400-1600) Saeculum 16 (1501-1600) 1501-1550 poesis - carmen prosa oratio - epistula Neven Jovanović 2014-03-26 Isključio pjesme A. Vrančića (drugdje). Oznake metra i vrste u pjesmama iz VD. Neven Jovanović Luka Špoljarić 2012-02-18 Novo, unificirano zaglavlje. Neven Jovanović 2011-10-23T18:05:31 TEI XML formatiranje.

Carmina Fausti Verantii in codice Traguriensi Variorum Dalmaticorum. Epistula eiusdem ad Antonium Verantium

In imaginem Christi crucifixi. Patauii, Faustus Verantius, 1569. Respice mortalis genitoris, respice, uultus Faedatos, nostram quo lauet ipse luem. Vincitur, quo nos Erebi dissoluat ab oris Irato gratos reddat et usque patri.

Ad Deum carmen Saphicum, idem Adsis, o summi fabricator orbis, Tu pias aures aperi precanti, Qui tuum semper coluit beatum Numen ubique. Protegas longo numero dierum Addito cari patrui seniles Et simul fessi genitoris annos, Summe deorum. Serua et tu matrem sobolis decorae, Da pius, oro, mihi gratiamque, Nomen ut possim generisque dignus Gerere famam.

Ad reuerendum archiepiscopum Strigoniensem in electione sua

Post sua ommisi Patauii.

Nouembri 1569, Patauii, idem Semper et ingentes dum uoluunt aethera caelos, Viuat fęlices transigat atque dies Antonius, praestans animi uirtute beata, Vrantius, eloquio non minus ille potens, Archus et inuigilans speculator Pannonis orae Strigonii fidus pastor et ipse gregis.

Ad Petrum Difnicum. Patauii, idem Diffnice, Charchariae uates non infime diuae, Diffnice, Sicensis gloria flosque togae: Si quid habere iuuat clarorum stemmata auorum, Si quid et ingenii munera pulchra ualent, Te tua perpetuis decorat prosapia signis, Teque tuosque feris Correxi e seris. uindicat usque rogis; At decus ingenii et sacrae te Palladis artes, At uirtus diuis assimilari facit.

In insignia Veranciorum, idem Lilia sex uernant quae de Verantia stirpe Impiger Alcides seuit

Correxi e seruit.

Pallasque rigauit, At fouet ex alto qui conspicit omnia – Phaebus.

Epistula Fausti Verantii ad Antonium Verantium, 29. die Aprilis anno 1561. Reverendissime et Amplissime Domine, domine pater et patrue mihi gratiosissime! Servitiorum meorum perpetuam et quam humillimam commendationem.

Venit ad nos, Reverendissime et Amplissime domine Praesul, Andreas Dalmady, Vestrae Reverendissime Celsitudinis famulus VII-o kalendas Aprilis, qui est 28. dies eiusdem mensis. Gaudebam non minimo gaudio, quod Vestra Reverendissima et amplissima Celsitudo valeat: secundo arbitrabar, me aliquas accepturum esse litteras. Sed miser ego spe frustratus, tamen adhuc spero in paucis diebus. Laborabam deinde ex corpore fere per decem hebdomadas. Quod autem Vestra Illustrissima et Reverendissima dominatio scripsit domino Casparo doctori, et animi mei institutori, ut mei curam habeant, id certe quantum ab eis possibile fuit, diligentem fecerunt. Et si praeceptor non fuisset, certe ignoro, an meas litteras legeret Reverendissima et Amplissima Celsitudo Vestra: cui ego pro beneficiis nunquam potero, nec pecunia ac ulla alia re, persolvi; quem ego cupio mecum, si Vestrae Reverendissimae dominationis voluntas fuerit; quia vellem, ut etiam meus germanus posset aliquid discere. Quare Deum semper orabo et petam, ut Vestram Reverendissimam et Amplissimam Celsitudinem conservet ad multos annos, quod Vestra Reverendissima et Amplissima Celsitudo mihi talem praeceptorem constituerit, qui non solum animum, sed etiam animam curat.

Valeat Vestra Reverendissima et Amplissima Celsitudo in multa saecula quaeque felicissima. Datum Posonii 29. die Aprilis anno 1561.

Haec ego solus composui nesciente praeceptore Vestrae Reverendissimae et Amplissimae Celsitudinis

perpetuus famulus Faustus Verantius