CroALa, 2024-04-29+02:00. Quaero posedarski-s-oratio.xml in collectione croala.
Functio nominatur: /croala/opendoc/posedarski-s-oratio.xml.
Documentum in PhiloLogic croala: posedarski-s-oratio.xml.
Oratio habita apud Leonem Decimum, Pontificem Maximum, pro Domino Joanne Torquato Comite Corbaviae defensore Crovaciae (1519), versio electronica Posedarski, Stjepan floruit 1520. William Roscoe Thomas Roscoe Hanc editionem electronicam curavit Neven Jovanović Digitalizat modernog znanstvenog izdanja (2002). Mg:B 6 versus, verborum 766 Elektronska verzija: Profil hrvatskog latinizma, znanstveni projekt na Filozofskom fakultetu Sveučilišta u Zagrebu, Hrvatska.
Svibnja 2013 Digitalna verzija: CroALa The Life and Pontificate of Leo the Tenth William Roscoe, Thomas Roscoe Henry G. Bohn, 1853. N°. CLXXIII. (Vol. iii. p. 353.) GBS (PDF) latinski 1519 Rim prosa poesis - paratextus poetici Litterae renatae (1400-1600) Saeculum 16 (1501-1600) 1501-1550 prosa oratio - oratio poesis - epigramma Neven Jovanović 2013-05-12 Prva XML verzija.Oratio Stephani Possidarski , habita apudLeonem Decimum, Pontificem Maximum , proDomino Joanne Torquato Comite .Corbaviae defensoreCrovaciae Beatissime Pater, semper in divinis Beatissime, in humanis autem vix audeo dicere, cum rempublicam Christianam a ferocissimis hostibus lacerari et ludibrio iri animadverto. Quod idem Sanctitati tuae cognitum esse, cum ex nunciis
Domini mei Joannis Torquati deuotissimi servuli tui, Corbaviae infelicissimi Comitis, tum ex legatis tuis ad illas provincias missis exploratum esse judicamus, quod omnibus fere Christianis, non sine magno terrore cognitum est, immanem illam Bestiam in Apocalypsi figuratam, idest Turcarum regem, septem illa cornua contra nos extulisse, et per quinquaginta et amplius annos, nescio an propter vitia nostra, an permissu summi Dei, tot Episcopatus et consequenter episcopatibus subditos, in suam ditionem, et quod pejus est in suos mores ire coegerit, ut jam prope, nisi ostenderis te esse id quod es, Salvatoris Vicarium, de nostra salute desperemus. Videmus enim quotidie non indies majus urgeri, et quasi ex igne aquam petere? sed proh Deus immortalis, ubi est veritas? ubi est amor justitiae? ubi est foedus amicitiae Christianae? Vicini Domini atque Dynastae qui nobis auxilio et sibi praesidio esse deberent, invidia nos quadam prosequuntur, et ex amaritudine nostra sibi adipes faciunt; sedJoanne Torquato deleto, tunc intelligent carnes et adipes ex invidia saginatos sine ossibus constare non posse. Verba subdola et apparentia inter gladios et frameas nullius efficaciae sunt. O quoties inter ignes villarum suarum, et multitudinem captivorum, ipseJoannes , non sine magno sanguine suorum, tanquam Leo irritatus in medias latronum et hostium acies impetum fecit, nullaque humana ope sed divina potius evasit. Animos ejus et ausus quis enarraverit! Cogitare potes, Clementissime Pater, cum tot calamitatibus de continuis incursionibus et latrociniis affectus sit, quomodo sibi constet, ut facile appareat non sine numine tam diu posse subsistere. Utcumque tamen vigilat et observat quantum fieri potest in angusto, et in regione prope desolata, ut exclamare possit, unde mihi auxilium nisi a Domino.Venetorum provinciaeDalmatia etLiburnia prope mare quum naturali munimento defensae tum foedere facto tutae aliquandiu a faucibusTurcarum fuerunt. Ceterae Mediterraneae provinciae, aut quia longius ab ipsis hostibus, aut quia prope flumina sunt, negligentius de nobis agere videntur; sedJoanni Torquato ista necessitas imposita est, ut non solum se finesque suos, sed alienos etiam tutari cogatur; nam inTinium , etClissiam , et Regulorum castella, quae ab aliis custodiri deberent, et maxima quidem vigilia, idem Dominus meus semper oculos intendit, et saepe castella sua, et bellicis tormentis, et militibus exarmat ut illis opem ferat. Caeteri omnes Reguli etFrangipanes , qui a tergo sunt, illius fortunam opperiuntur, in casu ejus omnino casuri. Banus in penetraliaSclavoniae secessit, et in foribusCrovatiae hostes non curat. Sed quidplura dicam, quum nemo ignoret Joannem Torquatum xxx. annos in foribusCorbaviae vigilantissimum custodem excubare, et conterminaTurcis loca intrepido animo defendere. Ibi non legationibus neque verborum disceptationibus de principatu agitur; sed cruentatis ensibus de fide, libertate, ac de salute contenditur; sed circumcirca, undique terror undique fuga est; quas pulcherrimas et fecundissimas terras ipsa natura constituit, saevitia hostium et cultorum desolatio turpissimas et infecundissimas reddidit. Non possum tibi, Pater Sancte, tot arces natura munitissimas, tot nobiles et strenuissimos equitesCrovatia fugatos nonnisi Banorum incuria et negligentia recensere. Non possum tibi omnesTurcarum astus et insidias, taceo crudelitates quas contra nos faciunt, enarrare. Ambiguum est an majus nos potentia an dolis et fraudibus urgeant. Waiwodas captis arcibus et Castellis praeficiunt qui sponsionibus et possessionibus Christianos subditos alliciunt ut sibi obnoxii sint. Proh dolor, Beatissime Pater, jamjam cumTurcis vicini Christianimatrimoniam contrahunt, atque ita conveniunt ut Domino meo inter Christianos et subditos agenti debito dubitandum sit. Affirmare tibi possum, clementissime Pater, illum hostium fraudes multo majus quam arma timere. Hostium tributarius effectus est, ut quoquomodo possit effugiat et salutem sibi et miserrimaeCrovatiae tam diu producat, quoad divina miseratio faverit. Videt enim omnem furoremTurcarum totas in se vires effundere; ut nisi tu, Beatissime Pater, qui summi Dei Vicarium agis, solita providentia Domino meo prospexeris, de rebus suis, et de totaCrovatia propediem interitum nunciet. Si prospicere, Pater sanctissime, vis, autJoannem Torquatum militem Ecclesiae restitue deTurcarum tributario, et sicut optat, propugnatorem effice, aut aliquem de ducibus tuis mitte, cujus armis et opeTurcis vicinis secum obstare valeat, et latrocinio latrocinia repellere, aut saltem aliquem virum religiosum ad illos populos mitte, cujus autoritate a fuga contineantur, et ad fidemChristi corroborentur, aut, Sanctitas tua, dic novissima verba.Vale. Manlius arces Romanas et templa repulso, Defendit Gallo saepius hoste procul. Hic noster Torquatus agros defendit avitos, Et saepe a nobis Turkica signa fugat;Tam gratus patriae quantum ille Quiritibus olim, Et si fata dabunt prospera, major erit.