CroALa, 2024-04-29+02:00. Quaero mihanovic-a-osman.xml in collectione croala.
Functio nominatur: /croala/opendoc/mihanovic-a-osman.xml.
Documentum in PhiloLogic croala: mihanovic-a-osman.xml.
Literarum patriique sermonis amicis, versio electronica. Mihanović, Antun 1796-1861 Franjo Fancev Hanc editionem electronicam curavit Neven Jovanović Prema kasnijem znanstvenom izdanju (1933). Mg:B 442 verborum elektronska verzija: Digitalizacija hrvatskih latinista, znanstveni projekt na Filozofskom fakultetu Sveučilišta u Zagrebu, Hrvatska.
Kolovoza 2012 .Digitalna verzija: CroALa 20. Fancev, Franjo Dokumenti za naše podrijetlo hrvatskoga preporoda (1790-1832) U: Građa za povijest književnosti hrvatske. Knj. 12(1933). s. 130-131 [str. 8] Patavii, Typis Valentini Crescinii, MDCCCXVIII latinski 1818-01-01 prosa Litterae recentiores (1600-1850) Saeculum 19 (1801-1900) 1801-1850 prosa oratio - epistula Neven Jovanović 2012-08-22 Prva verzija. Latinski spellcheck.Sunt qui scripto sermone alloqui Concives ingratum sentiunt. Ipse ni fallor, non errant. Aliquibus enim, qui scribit, multis, quod scribit, minus probatur, aliis utrumque. Verum illa, quae Patriam eminenter attinent, commemorans, ex argumento suo commendationem sibi tutellamque pollicetur: laude alioqui semper dubia, nulla gratitudinis ambitione.
Venetiis anno superiore commoratus bibliothecas perscrutabar solicite, Illyrica volumina requirens. Eventus spem vicit: Codicem MS. Osmanidos J. Gondolae nostri sors inter varia obtulit. Gaudium
tenui, cursimque paginis aliquot inspectis, visa scripturae venustate assidua, quaesito pretio emi; subinde Patavii composito magis animo solers evolvi, et quantumvis, an autographum esset, negare mallem, quam dubitare, doctam certe MS. curantis diligentiam cognovi uberius. Ad haec literarum forma, tum ruber initialium color, aetatem Codicis longe seculum excedere persuaserunt. Summi huius Illyrici Poematis editionem MDCCCII anno I. L. Volanti Ragusinus* parabat, quae tamen (causas nescio) lucem necdum vidit. Ac ne diutius opus haud abunde pro merito cognitum notis MScriptorum vicissitudinibus relinquatur, ideam ejus edendi concepi, svadente rerum patriarum amore, cui saepius exterorum virorum veneranda vota stimulum addiderunt. Verebar inde reipsa nobis ignominiam oriri, si, dum ab origine affinibus nonnullis editorum operum copia vinceremur, quidam conatu nostra quoque edendi nos anteirent. Equidem plurima possidemus digna e latebris in orbem emitti, avorum ingenia manifestatura, ut gesta historiae servant.
V. Appendini Notizie Istorico-Critiche ec. Ragusa 1803, pag. 265. Libro titulus erit: Osmannus I. Gondolae Patritii Ragusini,
Poema Epicum, nunc primum ex antiquo Codice MS. editum. De Poeta judicium ferre, aut aliis eum aequiparare, abstineo. Vastiora namque ingenia lance non fallaci, ceu corpora, librare alios manet.
Editionis formam hae paginae exhibent; typus et charta his paria erunt. Exemplar constabit flor. 1, monetae argenteae, scilicet folia XVI studiose excudenda complectetur. Has divulgantes nomina Sociorum dato pretio notabunt, exemplaria jam compacta iidem loco desiderato reddent, Calendis Julii a. c. parata futura.
Patavii Cal. Januarii MDCCCXVIII .
