CroALa, 2024-04-29+02:00. Quaero lazea-p-carm.xml in collectione croala.
Functio nominatur: /croala/opendoc/lazea-p-carm.xml.
Documentum in PhiloLogic croala: lazea-p-carm.xml.
Carmina Latina, versio electronica Lazea, Filipa 1546-1576 Neven Jovanović Hanc editionem electronicam curavit Neven Jovanović Prema digitalizatima izvornih izdanja (1589, 1597-9). Mg:B 70 versus, verborum 319 elektronska verzija: Digitalizacija hrvatskih latinista, znanstveni projekt na Filozofskom fakultetu Sveučilišta u Zagrebu, Hrvatska.
Veljača 2012 Digitalna verzija: CroALa Poemata: Elegiarum libri II. Hendecasyllaborum libri II. Tumulorum et epithaphiorum liber I. Epigramatum libri II. Jean Jacques Boissard A. Faber, 1589 Icones quinquaginta virorum illustrium, Frankfurt 1597-9, I, 27 latinski ante 1576 poesis Litterae renatae (1400-1600) Saeculum 16 (1501-1600) 1551-1600 poesis - hendecasyllabi poesis - sapphicum Neven Jovanović Luka Špoljarić 2012-02-19 Novo, unificirano zaglavlje.Prva TEI verzija Neven Jovanović 2011-11-25 Philippa Lazaea Polana Illyrica Epigrammata et odae Hem: quid aspicio? labella cuja haec? Tincta Cecropio labella melle. Cujus sunt oculi lepore pleni? Haec spirantia cujus ora? nonne Picta est haec facies mei sodalis Boissardi? facilis Camoena cujus Manum instruxit Apollinisque doctam Indulsit citharam: Hercle Ianus iste est Natus Sequanica Vesuntione. Vivis, Iane, igitur tuosque vultus Expressos tabulis Apollodori Totus noverit orbis: At pol illos Tersis carminibus tuae Thaleiae A morte interituque vindicasti. Ad I. I. Boissardum Philippa Lazaea. Magnum opus tentat, variaeque plenum Difficultatis, studet in futuro Qui sibi veri titulos honoris Quaerere saeclo. Hos ita exculto assequeris labore, Iane, dum cura vigili ora viva Caesarum longa serie Sophorumque Exprimis arte. Sed vide ne dum nimium politis Versibus nomen celebras Philippae, Illius vultum statuisque in illa Classe virorum: Ne parum digne Tyrio colori Conferas succos ebuli, horridamque Noctuam audacter videare pulchris Iungere pavis. Barbitus nobis humilisque Musa est: Et fides surdę Illyrico boatu Perstrepunt: raucus resonos ut inter Anser olores. Sufficit, si me relegant puellae, Quę colunt dulci studio Minervam. Sufficit, si me relegat suo cum Ianus Alardo. Si probent nostris mala scripta libris: Si legi dicant meruere: cur non Laudibus tantis reputem aestimandam Iure Philippam? CARMEN SAPHICUM PHILIPPE LACAEAE POLANAE ILLYRICAE. Dum viros, clarae quibus aura lucis Fulsit antiquo celebrisque saeclo Fama, mirandis revocare certas, Jane, tabellis. Tu tuum nomen, decus, atque laudes Porrigis, primo radios ab ortu Qua vehit Phaebus celeri rotatu ad Littora Calpes. Et tibi debet studiosa summum Turba quaesituum meritis favorem: Quam manu docta, et calami magistra Arte beasti. Sic placent gnavo facies labore Principum pictae, quibus italorum Paruit quondam regio simulque Dorica tellus. Sic juvat, quorum veneramur artes, Dogma, virtutem, pia gesta, vitam, Gratiam, roburque scientiamque, Cernere vultus. Vivida quos sic oculis figura Subiicis nostris, proprioque gestu, Ut putet quivis ea signa veram Ducere vitam. Gratiam saeclis tibi sic futuris Adstruis: qua qui valuit potiri, Dicier credo hunc potuisse ab omni Parte beatum.
