CroALa, 2024-04-29+02:00. Quaero kruzic-p-epist-1526-01-30.xml in collectione croala.
Functio nominatur: /croala/opendoc/kruzic-p-epist-1526-01-30.xml.
Documentum in PhiloLogic croala: kruzic-p-epist-1526-01-30.xml.
Petrus Crusich capitaneus Segniae Clementi papae VII, versio electronica Kružić, Petar m. 1537 Bessenyei József Hanc editionem electronicam curavit Neven Jovanović Digitalizat modernog znanstvenog izdanja (2002). Mg:B Verborum 555 Elektronska verzija: Profil hrvatskog latinizma, znanstveni projekt na Filozofskom fakultetu Sveučilišta u Zagrebu, Hrvatska.
Siječnja 2012 Digitalna verzija: CroALa MEK-02208 Lettere di principi = Litterae principum ad papam (1518-1578) / szerkesztő Bessenyei József; fordító Kulcsár Péter, Nagy Gábor levél(ek), dokumentum(ok) ; olasz, latin, magyar eredeti kiadvány: Lettere di principi = Litterare principum ad papam = Fejedelmi levelek a pápának : 1518-1578 / átírta és kiadta Bessenyei József Roma : Római M. Akad. Fraknói V. Történeti Int. ; Budapest : OSZK, 2002 ISBN 963 200 442 6 Magyar történelem 1527-1790, Egyháztörténet magyar történelem, római katolikus egyház, levelezés, pápa, forrás, Vatikán, 1518-1578 MEK-be került: 2002-11-09 URL: http://mek.oszk.hu/02200/02208 MEK OSZK (PDF) latinski 1526-01-30 Senj prosa Litterae renatae (1400-1600) Saeculum 16 (1501-1600) 1501-1550 prosa oratio - epistula Neven Jovanović 2012-08-29 Revizija oznaka. Svako pismo u posebnu datoteku.Neven Jovanović Luka Špoljarić 2012-04-30 Novo, unificirano zaglavlje.Neven Jovanović 2011-12-30T11:22:06 1526. 30. Januarii , Segniae Petrus Crusich capitaneus Segniae Clementi papae VII.Segr. Stato, Principi, 1, f. 75–76. Sigillo annulari papyro tecto [Inscriptio in extera parte litterarum:] Beatissimo ac Sanctissimo domino nostro pape [Altera manu:] Comitis Petri Krusich Segnio penultima Ianuarii Regestum XIX Februarii Post beatorum oscula pedum. Beatissime pater et domine, domine universalis ecclesie ac in meis tribulationibus pater et protector meus singularissimus!Magnam mihi et toti huic patrie Vestre Sanctitatis circa castrum Clissÿ provisio facta attulit iucunditatem, contentor etiam de hoc bono viro, Vestre Sanctitatis nunctio, quem existimo Vestre Sanctitati ad votum serviturum et huius castri comodis, necessariis profuturum. Preterea, Pater Sancte, quod in omnibus necessitatibus meis post deum in nullo alio preterquam in Vestra Sanctitate habeo fiduciam, ideo libere ad eandem necessitates meas expositurus recurro. Itaque, Pater Sancte, recordetur Sanctitas Vestra, quod cum anno elapso ad oscula pedum Vestrae Sanctitatis accessissem necessitatesque meas eidem retulissem, et qualiter castrum Clissy ultra (propter neglectam circa me provisionem) nullo modo tenere valeo, Vestra Sanctitas mihi mandare voluit, quatinus illud dimittere non deberem eo, quod Vestra Sanctitas de illo cito provisionem
18 Desideratur versus unus. factura esset et sic, Pater Sancte, nunquam ulterius illius cura suscepissem, si Vestre Sanctitais mandatis (cui reluctare nephas est) astrictus non fuissem. Postquam itaque a Vestra discessi Sanctitate his quatuor mensibus castrum prefatum et si difficulter sustinui, quaedam pignora mea Ancone pro ducatis ducentis et quadraginta aureis apud quendam Laurentium de Cechis merchatorem Florentinum dimisi, cum quibus castrum illud usque ad Vestre Sanctitatis nunctii adventum gubernatur, propter que Vestre Sanctitati suplico, ut mihi illa redimerentur pignora. Praeterea, Pater Sancte, Regia Maiestas consuevit tenere Clissÿ centum pedites pixidarios et quinquaginta domesticos, quatenus huius adminculo adiuti domesticorum familia retineretur. Si Vestra Sanctitas intendit sustentare omnes, bene quidem. Sin autem dignetur eadem notificare Maiestati Regie, domino meo gratioso, ne interim castrum aliquid periculum pati contingat, ut et Regia Maiestas a solita non desistat provisione, ut enim Maiestas Regia putabit, quod Sanctitas Vestra in toto illius castri necessariis providit. Insuper asueti sunt ibidem Clissÿ aliquot teneri equites, prout omnia hec Vestre Sanctitatis nunctius vidit latiusque ecclesie scribere potuit. Praeterea, quod annis elapsis Maiestas Regia, dominus meus gratiosus parvam erga me provisionem fecit nec salaria debita mihi dedit, Maiestas Regia hoc anno pene nullam de salario meo fecit mihi provisionem et cum ab amicis19 solicitus scisitassem, relatum habui, quod Regia Maiestas habet in opinione, qualiter Vestra Sanctitas tum persone mee, tum etiam servitoribus meis, quos in 4or castris teneo, sufficientem de salario meo fecisset provisionem. Ideo humili prece, qua possum, amore Dei et servitorum meorum et laborum, quos in istis confiniis amore Christi patior, Vestre supplico Sanctitati, quatenus eadem per unas suas servitia mea domino meo commendare velit, et, quod nihil de huiusmodi salario ab eadem susceperim, in huiusmodi litteris suis testificare dignetur, spero etenim nihil hesitans, quod huiusmodi litteris Vestre Sanctitatis adiutus et salarium, quod mihi debetur, obtinebo, et gratiam acceptare apud maiestatem suam servitia mea non dubito. Huiusmodi autem litteras Regiae Maiestatis deferendas Vestra Sanctitas ad me cito mittere velit, eo quod solus maiestatem suam, quam citius eas habuero, accedere intendo. In hiis et omnibus aliis Vestre Sanctitati tamquam domino meo gratiosisssimo me humillime commendo. Ex Segnia, penultima Januarii 1526. Eius Vestre Sanctitatis humillimus servitor Petrus Crusith capitaneus Segnie et comes Clissie 19 Verbum unum – in longitudine circiter 1 cm – illegibile.
