CroALa & LatTy: documentum

CroALa, 2024-04-29+02:00. Quaero bilicic-s-cronica.xml in collectione croala.

Functio nominatur: /croala/opendoc/bilicic-s-cronica.xml.

Documentum in PhiloLogic croala: bilicic-s-cronica.xml.

Biličić, Stjepan floruit 1450 Neven Jovanović Hanc editionem electronicam curavit Neven Jovanović Prima editio electronica. Mg:B Verborum 887

Elektronska verzija: Neolatina Croatica, znanstveni projekt na Filozofskom fakultetu Sveučilišta u Zagrebu, Hrvatska. Svibnja 2013.

Digitalna verzija: CroALa Rare Book & Manuscript Library University of Pennsylvania Ms. Codex 88 Digitalizat: Penn in Hand: Selected Manuscripts

latinski c. 1450 Šibenik prosa Litterae renatae (1400-1600) Saeculum 15 (1401-1500) prosa oratio - fabula prosa oratio - chronica Neven Jovanović Prva XML verzija 2013-05-12 Novo, unificirano zaglavlje.

De abbatissa et febre ac pulice

Exemplariter dicitur de pulice et febre. Quod mutuo loquebantur de hospicijs que nocte precedente habuerant. Conquerendo dicebat pulex: Ego hospitata sum in lecto cuiusdam abbatisse inter duo lintheamina alba super piomacium molle et credebam habere optimum hospicium, quod habebat abbatissa carnes pingues quibus optime fuissem saciata. In primo autem morsu cepit abbatissa clamare et uocare ancillas. Egoque me abscondi. Set illis recedentibus, iterum ad abbatissam reuersa et quocies redii, tocies cum lumine me fecit queri. sic hac nocte non quieui. et vix eufugii. Febris autem dixit: Ego hospitata sum in domo cuiusdam mulieris pauperis, quam cum arripuissem, statim surrexit et facta lisciuia pannos fortiter percuciendo abluebat, et super humeros ad fluuium portabat. Itaque febris afflicta frigore in fluuio diu suffocata.

Tunc pulex ait: comutemus in hac nocte hospicia nostra. Quibus mutatis mane rediens pulex ait: Optimum hospicium hac nocte habui. Nam mulierem illam, que hospita tua fuerat, ita fatigatam et dormientem inueni, quod secure quieui aput eam et quantum volui commedi.

Cui febris respondit: optimum conscilium dedisti mihi. Nam abbatissa illa cum griseo coopertorio et lintheaminibus delicatis tota nocte me calefaciens fouebat. et licet stimularem eam, ipsa cum in lecto moli abscondita nunquam me turbauit.

Vnde ab eius hospicio quamdiu me ita amicabiliter tractabit nolo recedere. Haec et videlicet ad hoc quod delicati frequentius influantur, et peius quiescunt. pauperes autem sunt saniores, et melius quiescunt.

Miraculum de uno rustico mortuo.

Rusticus quidam nunqam uolebat aliquid audire de deo. Mortuus est. Cum autem ad ecclesiam esset delatus, Sacerdos et alii clerici officia legendo et cantando circa corpus peragerent. Fatentes quod ymago crucifixi cepit obturare aures suas manibus a cruce separatis. Quod cum omnes circumstantes aspicerent mirabantur. Tunc sacerdos ait ad populum: Scitis quale signum est hoc. vos scitis, quod iste qui hic iacet nunquam voluit audire verbum dei. et ideo modo est in manu dyaboli. Idcirco sic obturavit aures suas ne audiat preces quas pro eo fundimus. Et cessaverunt omnes orare, quia preces vel orationes pro dampnatis deus non exaudit.

Explicit.

Iste liber est mei fratris Stephani Bilicich, abbatis monasterii sancti Nicolai portus Sibenicensis, quem scripsi manu propria.

Sub millesimo CCCC-o XLVIIII-o. Die uero quarto mensis Junij.

1421. Consecrata fuit ecclesia in Uodice, in nomine sancte crucis, die 19 mensis octobris. 1423. die ultima madij. Consecrata fuit ecclesia sancti Francisci Fratrum minorum in Sibenico. 1444. die 10 mensis madij. Consecrata fuit ecclesia in monte Kamenicnich in nomine sancti Michaelis. 1432. die 24 mensis februarii. Venerunt Turchi usque ad villam que vocatur Srima. 1444. die 12 mensis madij. Suspensus fuit Georgius Mazorica cum sex suis socijs. 1444. die 26 mensis septembris. Consecrata fuit ecclesia in nomine sancti Petri in villa Grebac 1444. die 11 mensis octobris. Consecrata fuit ecclesia in monte supra Sibenicum in nomine sancti Johannis baptiste. 1445. die 14. mensis nouembris. Consecrata fuit ecclesia in Barchagno in nomine sancti Martini. 1448. die 8 mensis aprilis. Consecrata fuit ecclesia in insula Zlarin in nomine sanctae matris Christi. 1450. fuit mortalitas maxima in Sibenico et in dicto millesimo fuit jubileus tempore pape Nicolai quinti. 1445. die 19 mensis aprilis. Ego frater Stephanus Bilicich fui positus in corporalem possessionem in abbacia appelata sancti Nicolai portus Sibenicensis. tempore reverendi patris domini fratris Georgij Sisgorich, episcopi Sibenicensis ac magnifici domini Fantini Dacha Pesaro comitis Sibenicensis. 1449. die penultima mensis Junij. frater Paulus recepit habitum monacalem sancti Benedicti a reverendo patre domino fratre Stephano abbate. 1433. die 28 mensis Julij obijt Martinus Bilicich, cuius corpus iacet None in ecclesia sancti Ambrosij, cuius anima requiescat in pace, amen. 1427. die 7 mensis decembris. Obijt dominus Nicolaus Mirchouich, abbas sibenicensis. 1445. die 12 Marcij Obijt dominus Jacobus Michitich, abbas sibenicensis. 1447. die 23 nouembris. Obijt dominus Petrus de Cresauis abbas monasterii sancti Grisogoni jadrensis, doctor decretalium. 1448. die 11. Marcij. Obijt presbyter Michael archidiaconus Scardonensis. 1450. die prima madij aprilis. Obijt presbyter Georgius pronomine Zec. 1450. die VI-a mensis madij aprilis. Obijt presbyter Jacobus qui claudicabat. 148. die. 8 mensis madij. fuit combusta civitas Sibenicensis quasi in totum. 149. die 20 augusti, fuit disturbacio inter nobiles et populares Sibenici. 1412. die 28 mensis octobris. dominium Veneciani habuerunt Sibenicum. 1423. die 30 septembris. Ego frater Stephanus abbas sibenicensis, existens monachus simplex, fui ordinatus ad ordinem presbyteratus. Obijt papa Martinus quintus Romae hora 4a noctis sub 1431. Obijt papa Eugenius quartus. Romae hora 22a diei sub 1447. 1451. die 22 mensis madij. Dobroyus filius Georgij Chasalouich de Sibenicho recepit habitum monachalem sancti Benedicti in monasterio sancti Stephani de pinis diocesis Spalatensis, et illo tunc sibi fuit inpositum nomen Arsenius. 1451. a di 4 nouembris. Ego frater Stephanus Bilicich abbas Sibenicensis aplicui Spalatum pro visitando in monasterio sancti Stephani de pinis, vice et nomine reverendissimi in Christo patris domini Niceni Cardinalis 12 sanctorum apostolorum. Obijt Simon Matafarich de Jadra die 9 aprilis 1452. Obijt dominus Angelus Chauaza natione Venetus episcopus Traguriensis die 16 mensis madij 1452 hora meridia. 14VIII. mensis augusti die XXIIII in festo sancti Bartolome apostoli civitas Sibenici fuit combusta maiori parte aborea. Dominus Jacobinus Baduario natione venetus, arciepiscopus Spalatensis obijt die 18. aprilis 1452. deinde creatus est dominus Laurentius Zanni Venetus et positus fuit in corporalem possessionem die 26 Junij 1452. Pater Andreas recepit habitum monachalem in ecclesia sancti Stephani de pinis diocesis Spalatensis sub 1453 die 12 marcij. Dominus Michael de Scibenico obiit nescio quando.