CroALa, 2024-04-29+02:00. Quaero andronic-trag-elegia.xml in collectione croala.
Functio nominatur: /croala/opendoc/andronic-trag-elegia.xml.
Documentum in PhiloLogic croala: andronic-trag-elegia.xml.
Ad puerum forma superbientem elegia, versio electronica Andreis Trogiranin c. 1500? Exscripsit Vedran Gligo Bratislav Lučin; Neven Jovanović Hanc editionem electronicam curavit Neven Jovanović Prima editio electronica, mense Decembri 2011. Mg:B 48 versus, verborum 298 Versio electronica TEI XML: Croatiae auctores Latini, indagatio in Facultate philosophica Universitatis Zagrabiensis, Croatia,
mense Decembri 2011. Digitalna verzija: CroALa MS: BAV, Vat. lat. 2835, f. 261-261v (fotokopija) latinski 1450-1600? poesis Litterae renatae (1400-1600) Saeculum 15 Saeculum 16 poesis - elegia Neven Jovanović Luka Špoljarić 2012-02-14 Novo, unificirano zaglavlje.Prva TEI verzija Neven Jovanović 2011-11-24 BL 2011-11-19T12:30:00 Andronici Tragurini Ad puerum forma superbientemQuid tantum eximiae perituro flore figurae Elatus brevibus credis, inepte, bonis.Nulli fida satis fugitivae gratia formae, Nil homini eximium perpetuumque datur. Par annis facieque tibi defloruit ante Narcissus, formae captus amore suae, Oebalius tibi par periit puer et puer ille Magna deum exarsit cuius amore parens. Non semper simulque pubescit floribus Hyllas, Nec partu campus versicolore rubet. Huic quoque obesse solent inimicae tempora brumae, Huic quoque Marmarici flaminis ira nocet. Crede mihi, brevis est et non diuturna voluptas Quam superi formae constituere bonis. Si male perdentur quae nunc male tempora perdis, Postera non veniet commodiora tibi. Effugit admissis aetas non tardior curis Et tremulo adventat curva senecta pede. Exangues subeunt curae, mox langor et illa Pars vitae semper deterioris adest. Aureus iste nitor, frons haec generosa tuique Corporis in rugas totus abibit honos. Sydereos oculos atque aemula labra rosetis Venturi in nihilum temporis hora feret. Qua nutant flexi per eburnea colla capilli,Languida cernetur et sine crine cutis, Non aliter quam cum solito spoliatur honore Brumalique caret tempore fronde nemus. Sed si deflecti cuiquam tamenaeneus ille Atque adamanteus temporis ordo queatConfiteor: decor iste hominis non sorte teneri Dignus et humana conditione premi. Doloris expers Lethi Stygiique profundi Horrida Tartarei iura levare fori .Scilicet ut per te pateat non omnia mortisEsse nec inferna conditione trahi. Sed quia Parcarum firmata lege negaturAevo hominis semper dexteriore frui, Dum licet atque sinit facies, dum tempora vernant Gaudia festino carpe abitura pede Vtere non stabilifugiturae vere iuventaeNon curans homini quid ferat hora sequensPraecipue aligeri fac sollicitentur amoresArbitrio curuant dumsua tela tuoEt si quando ulli talis meditaberis esse, Ipsum ego te qualem sensi in amore meo.Aspice purpurei formosa rosariaPesti Quae vix exacta languida luce cadunt.