CroALa & LatTy: documentum

CroALa, 2024-04-29+02:00. Quaero aa-vv-epigr-tres.xml in collectione croala.

Functio nominatur: /croala/opendoc/aa-vv-epigr-tres.xml.

Documentum in PhiloLogic croala: aa-vv-epigr-tres.xml.

Auctores varii: Kabalin, Grgur Chrysogonus Neven Jovanović Izdanje prema rukopisu. Mg:B Verborum 257, versus 40

Rad nastao u okviru znanstvenog projekta Profil hrvatskog latinizma, (Filozofski fakultet Sveučilišta u Zagrebu, Hrvatska). Listopad 2011

Digitalna verzija: CroALa Znanstvena biblioteka, Zadar, Hrvatska. 25290/Ms. 617. cart. misc. XVI-XVII. ff 66-66v.

latinski c. 1600. poesis Litterae renatae (1400-1600) Saeculum 16 (1501-1600) 1551-1600 poesis - epigramma Neven Jovanović Luka Špoljarić 2012-07-22 Novo, unificirano zaglavlje. Neven Jovanović 2011-10-23T21:37:33 Versio prima.

Chrysogonus Caballinum sibi conciliat. Te licet audiuerim celebrem uirtute putabam Histius tantum temporis esse uirum. At simulac sensi, postquam sentire loquentem Accidit, extemplo mens mea uersa fuit. Admirans dixi perculso corde stupore Nascitur hic certe Belorophontis aquis, Ipse coturnati calamos tetigisse Maronis Apparet, uoces ipse Platonis habet. Hunc reor Arpinas, Fabri quoque filius ingens Orator Danaum, quin super esse queant Nunc precor ut tantum non dedigneris amicum, Quem peperit uirtus, me numerare tuum.

Caballinus Chrysogono suo Chrysogone, immodicis mensuram laudibus adde Si uis iudiciis pondus inesse tuis. Laudibus adde modum; quam falsa infamia ledit, Tam non verus honor; laudibus adde modum. Dum tu me Andino certas aequare Maroni Non uideo tibi sim quam bene notus ego. Quis Laerciadę, Demostenis, et Ciceronis Aut quis diuini verba Platonis habet? Tu tamen illa mihi tribuis, censesque canendo Iampridem antiquis uatibus esse parem. Non ita me miror: nec sum tibi credulus ista; Parte: meis malo fidere iudiciis. Vel tibi maiestas ueterum est ignota uirorum Vel censere pium talia cogit amor Cogat amor quod vult, si vis ut digner amicum Parque pari referam, laudibus adde modum.

Chrysogonus Caballino. Carmina perturbas quae nos tibi lusimus, ortum Vnguigenis undis te tamen esse siles. Annuis hoc igitur; firmum puto quodque siletur Vt dictum cunctis gentibus ore sonat. Quare autem, doctas inter generate Camoenas, Vatibus antiquis de grege iunctus abis? An tibi nascenti Phaetontis maestus Apollo Morte sui offitii ferre nequiuit opem? Forsitan et Bachus graciles profectus ad Indos Defuit, auxilium Pieridumque bonum. Ille quoque in terris non apparebat Atlantis Ille nepos, fandi quo doceare modum?